Almaty qalasynda «Zaıyrlylyq jáne dintaný negizderi» fakúltatıvti kýrsy oqytylady.
Bul týraly Almaty qalasynyń Óńirlik komýnıkasıalar qyzmetinde ótken brıfıń barysynda Din isteri jónindegi basqarmasynyń basshysy Esenbekov Aıdar Rahymjanuly málimdedi.
Aıdar Rahymjanulynyń aqparatynsha, Qazaqstan Respýblıkasy Bilim jáne ǵylym mınıstriniń 2009 jylǵy 22 shildedegi №353 buıryǵyna sáıkes 2009-2010 oqý jylynan bastap jalpy orta bilim beretin mektepterdiń 9 synyptary úshin «Zaıyrlylyq jáne dintaný negizderi» fakúltatıvti kýrsy (jylyna 34, aptasyna 1 saǵat) engizildi.
«Zaıyrlylyq jáne dintaný negizderi» kýrstyq páni boıynsha dıplomy bar mamandar sanynyń jetispeýshiligine baılanysty fakúltatıvti kýrsty tarıh pániniń muǵalimderi júrgizedi. Din salasynan Almaty qalasyndaǵy muǵalimderdiń daıyndyq jáne habardarlyq deńgeıiniń tómendigin kórsetken 2017 jyl basynda «Zaıyrlylyq jáne dintaný negizderi» páni oqytýshylarynyń jumysy jáne bilimi taldanǵan bolatyn
Atalǵan máseleni sheshý úshin 2017 jyly «Zaıyrlylyq jáne dintaný negizderi» pániniń oqytýshylary úshin biliktilikti arttyrýdyń 72 saǵattyq kýrsy uıymdastyryldy. Ótkizilgen krýstarǵa qatysýshylardyń jalpy sany 115 adamdy qurady. Aǵymdaǵy jyly atalǵan pánniń muǵalimderin 100% qamtýǵa múmkindik beretin osyndaı 5 kýrsty ótkizý josparlanýda.
Budan ózge, basqarmanyń memlekettik áleýmettik tapsyrysy aıasynda «Zaıyrlylyq jáne dintaný negizderi» páni oqytylýyn sarapshylardyń qatysýymen (dintaný salasyndaǵy joǵary bilikti mamandar) táýelsiz monıtorıńileý uıymdastyryldy. Mysalyǵa, «Pedagogıkalyq ǵylymdar akademıasy» qoǵamdyq birlestigi jáne Ál-Farabı atyndaǵy Qazaq ulttyq ýnıversıtetiniń dintaný jáne mádenıettaný kafedrasy «Zaıyrlylyq jáne dintaný negizderi» páninen sabaq beretin jalpy orta bilim beretin mektepterdiń oqytýshylary úshin semınar ótkizdi. Semınarǵa qalanyń 8 aýdanynan 90 muǵalim qatysty. Sondaı-aq, qala mektepteriniń 600-den astam oqýshylarynyń arasynda saýalnama, «Zaıyrlylyq jáne dintaný negizderi» pániniń oqytýshylary úshin 9 fokýs grýppa ótkizdi, - dep habarlady Aıdar Rahymjanuly óz sózinde.
Dinı ekstremızm men terorızmniń aldyn-alýǵa baǵyttalǵan 24 áleýmettik-mańyzdy joba júzege asyryldy.
Basqarma basshysynyń sózine súıensek, qalada din salasyndaǵy memlekettik saıasatty túsindirý boıynsha azamattyq qoǵam ınstıtýttarynyń áleýeti tıimdi túrde paıdalanylýda. Memlekettik áleýmettik tapsyrys aıasynda qyzmet kórsetetin úkimettik emes uıymdardyń jyl saıyn ósý úrdisi baıqalýda.
2017 jyly memlekettik áleýmettik tapsyrys aıasynda dinı ekstremızm men terorızmniń aldyn-alýǵa, etnosaralyq kelisim jáne toleranttylyq ıdeıalaryn nasıhattaýǵa baǵyttalǵan 24 áleýmettik-mańyzdy joba júzege asyryldy.
Jobanyń maqsaty óskeleń jas qyzdardyń arasynda toleranttylyq sanany, qoǵamnyń zaıyrlylyq qundylyqtaryn qabyldaýdy qalyptastyrý boıynsha aqparattyq-túsindirýshilik jáne aǵartýshylyq jumystaryn júrgizý jáne jastardy patrıottyq rýhta tárbıeleý men óz halqynyń tarıhyn qurmetteýdiń mańyzdy kórinisi bolyp tabylatyn halqynyń baı mádenı dástúri jóninde habardar etý.
Klýb aıasynda dinniń ózekti máseleleri, dinı ekstremızm men destrýktıvti aǵymdar ıdeologıalarymen kúresý boıynsha jalpy sany 1800 adam qamtylǵan oqýshylar arasynda 40-qa jýyq aldyn alý jáne túsindirý is-sharalary ótkizildi.
Sonymen qatar, «Qoǵamda zaıyrlylyq qaǵıdalaryn nasıhattaý boıynsha is-sharalardy iske asyrý» jobasy aıasynda memlekettik qyzmetkerlerdiń, ÚEU ókilderiniń, quqyq qorǵaý organdary, bilim berý jáne mádenıet mekemeleri qyzmetkerleriniń, jastar qoǵamdyq uıymdarynyń jáne stýdentter qozǵalysynyń ókilderi jalpy sany 760-ke jýyq adam qatysqan 8 «dóńgelek ústel» jáne 1 jastar aksıasy ótti.
Sonymen birge, turǵyndarda dinı ekstremızm men terorızm ıdeıalaryna tózbeýshilikti qalyptastyrýǵa, sondaı-aq, destrýktıvti qubylystar taralýynyń aldyn alýǵa (terorızm jáne ekstremızmmen kúresý) baǵyttalǵan aqparattyq-nasıhattyq is-sharalardy ótkizýge negizdelgen qysqa metrajdy áleýmettik rolıkter sıkly ázirlendi.
Sonymen qatar, Rýhanı kelisim kúnin merekeleýge arnalǵan is-sharalar aıasynda 2017 jylǵy 18 qazanda erekshelengen din qyzmetkerlerin, din máseleleri boıynsha aqparattyq-túsindirý toptarynyń belsendi múshelerin marapattaý ótkizildi. Sonymen, din aralyq beıbitshilik pen rýhanı kelisim, din salasyndaǵy memlekettik saıasatty júzege asyrý isinde, ekstremızm jáne terorızmnen eskertýde belsendi qyzmeti úshin dinı birlestikter kóshbasshylary klýbynyń jáne qalalyq aqparattyq-túsindirý toptarynyń músheleri qala basshylyǵynyń alǵys hatymen marapattaldy. Sondaı-aq, kitap kórmesi jáne konserttik baǵdarlama uıymdastyryldy. İs-sharaǵa 70 adam qatysty.
Jalpy, jobalardy júzege asyrý barysynda jalpy sany 32 myń adam qamtylǵan 3 leksıa, 59 kezdesý, 14 semınar, 275 semınar-trenıng, 3 konferensıa, 30 «dóńgelek ústel», 15 aksıa ótkizildi, - dep aıtty basqarma basshysy.
