Almaty qalasynyń Óńirlik komýnıkasıalar qyzmetinde «Almaty qalasy Din isteri jónindegi basqarmasynyń 2017 jyly atqarǵan jumys nátıjeleri jáne 2018 jylǵa arnalǵan josparlary» taqyrybynda baspasóz konferensıasy ótti. Brıfıńke Din isteri jónindegi basqarmasynyń basshysy Esenbekov Aıdar Rahymjanuly qatysyp, belgilengen taqyryp aıasynda oı órbitti.
Basqarma basshysynyń aqparatynsha, Almaty qalasynda 17 konfesıadan (Respýblıka boıynsha – 18 konfesıa) quralǵan 179 tirkelgen dinı birlestik jumys jasaıdy. 112 dinı ǵımarat tirkelgen. Onyń ishinde: 49 meshit, 19 pravoslavtyq shirkeý men sobor, 2 katolıktik prıhod, 1 sınagoga, 1 Von-býddızm konfesıasynyń dinı ǵımaraty, 34 protestanttyq konfesıanyń, 4 Ehoba kýágerleriniń, 1 jańa apostoldyq shirkeýiniń jáne Bahaı qaýymdastyǵynyń dinı ǵımaraty.
Búgingi kúnde qalada 149 mısıoner (onyń ishinde Islam - 4, pravoslav - 32, katolık - 25, protestant - 53, mormon - 21, jetinshi kúnniń adventısteri - 6, Ehoba kýágerleri - 5, jańaapostoldyq - 2, von-býddızm - 1) tirkelgen.
Tirkelgen mısıonerlerdiń basym bóligin orys pravoslavtyq, rım-katolıktik jáne protestanttyq shirkeýdiń ókilderi quraıdy.
Almaty qalasynda resmı túrde 4 dinı oqý orny tirkelgen. Onyń ishinde:
- «Nur-Múbarak» Egıpet ıslam mádenıeti ýnıversıteti;
- QR QMDB janyndaǵy Imamdardyń biliktiligin joǵarylatý ınstıtýty;
- «Ábý-Hanıfa» koleji (medrese);
- Pravoslavtyq shirkeýdiń Almaty rýhanı semınarıasy.
Qazirgi tańda Almaty qalasynda dinı ádebıetterdi nemese dinı mazmundaǵy ózge de aqparattyq materıaldardy taratý úshin 36 arnaıy stasıonarly úı-jaılar tirkelgen.
Sondaı-aq, bilim berý mekemeleriniń kitaptar qorlarynda, mádenıet mekemelerinde, túzetý mekemelerinde dintaný saraptamasynyń oń qorytyndysyn almaǵan dinı ádebıetterdiń taralýyna jol bermeýge baǵyttalǵan tekserý jumystary júrgizilýde.
Sonymen, ótken jyly erkin konsýltatıvtik-keńestik organ bolyp tabylatyn Almaty qalasynyń Dinı birlestikteri kóshbasshylarynyń klýby quryldy jáne nátıjeli jumys jasaýda.
Klýbtyń maqsaty memlekettik-konfessıaaralyq qatynastardaǵy ózekti taqyryptardy talqylaý úshin dinı birlestikter basshylarynyń aı saıynǵy jıynyn ótkizý. Klýb músheleriniń múmkin bolatyn qyzmet salasy dinı senim bostandyǵyndaǵy, qoǵamdaǵy rýhanı kelisimdi nyǵaıtýdaǵy jáne konfesıaaralyq qatynastardy úılestirýdegi Qazaqstan Respýblıkasy azamattarynyń quqyqtaryn qamtamasyz etý salasynda memlekettik saıasat máselesi boıynsha usynystar men usynymdar ázirleý bolyp tabylady.
Klýb jumysyna Almaty qalasy dinı birlestikteri basshylyǵynyń 30-dan astam ókilderi qatysady, onyń ishinde 10-y qala ákimi janyndaǵy dinı birlestiktermen baılanys jónindegi Keńestiń músheleri. Bul dinı bedeldilerden ózge múddeli memlekettik organdardyń ókilderi kiretin Klýb jáne Keńes syndy eki erkin rýhanı-qoǵamdyq qozǵalystyń ajyramas ekendigin bildiredi.
Keńestiń maqsaty birshama ózgeshe. Ol dinı senim bostandyǵyndaǵy, qoǵamdaǵy rýhanı kelisimdi nyǵaıtýdaǵy jáne konfesıaaralyq qatynastardy úılestirýdegi Qazaqstan Respýblıkasy azamattarynyń quqyqtaryn qamtamasyz etý salasynda memlekettik saıasat máselesi boıynsha usynystar men usynymdar ázirleýge baǵyttalǵan,- dep habarlady basqarma basshysy Aıdar Rahymjanuly.
