Aǵymdaǵy jyly 33 myń almatylyq turǵyndar áleýmettik kómek túrlerimen qamtamasyz etiledi.

Bul týraly Almaty qalasynyń Óńirlik komýnıkasıalar qyzmetinde ótken brıfıń barysynda Almaty qalasy Jumyspen qamtý jáne áleýmettik baǵdarlamalar basqarmasynyń basshysy Meıirjan Batyrbekuly málimdedi.  

Meıirjan Batyrbekulynyń aqparatynsha, Prezıdenttiń ótken jylǵy Joldaýynda jańa formattaǵy ataýly áleýmettik kómekti engizý týraly tapsyrmasyn esepke ala otyryp, aǵymdaǵy jyly 2018 jylǵy QR Prezıdentiniń Joldaýyn júzege asyrý boıynsha eń tómen kúnkóris deńgeıinen 50%-ǵa deıin ulǵaıtýmen az qamtylǵan azamattarǵa jańa formattaǵy ataýly áleýmettik kómek kórsetý jumystary bastaldy.   

Jańa formattaǵy ataýly áleýmettik kómek (áleýmettik tólemderdiń úsh túri birikken: kópbalaly januıalarǵa memlekettik járdemaqy; 18 jasqa deıingi balalarǵa memlekettik járdemaqy; memlekettik ataýly áleýmettik kómek)  shartsyz jáne shartty qarjylaı kómek dep ekige bólinedi.  

Shartsyz qarjylaı kómekti januıasynda eńbekke jaramdy tulǵalar joq januıalar nemese januıa músheleri jumyspen qamtý sharalaryna belgili bir sebeptermen qatysa almaıtyndar alady.  

Shartty qarjylaı kómekti januıa músheleriniń jumyspen qamtý sharalaryna mindetti túrde qatysý talaby qoıylǵandar alady.  

2018 j. 12,5 myń az qamtylǵandardy qamtý josparlanýda, bul maqsattarǵa 546,7 mln. teńge bólingen. 

2017 jyly barlyǵy áleýmettik kómek túrlerimen 27 myńnan astam adam 818 mln.teńge somasynda qamtylǵan. 2018 jyly 1 270,9 mln. teńge somasynda 33 myń adamdy qamtý kózdeldi. 

Qazirgi kezde komýnaldy qyzmet shyǵyndaryn óteý úshin áleýmettik kómekti kelesi kategorıalar alady:  

• turǵyn úı kómegi boıynsha az qamtylǵandar  (2200 adam, 32 mln. teńge); 
• UOS qatysýshylary men múgedekterine 5,5 AEK kóleminde (313 adam, 49,6 mln. teńge). 

Ómirlik qıyn jaǵdaılarǵa tap bolǵanda kelesi áleýmettik qyzmetter kórsetiledi:  

• ataýly áleýmettik kómek (12,5 myń. adam, 546,7 mln. teńge); 
• múgedek balalardy úıde oqytý shyǵyndaryn óteý (500 adam, 32,5 mln. teńge); 
• jergilikti ýákiletti organ sheshimimen aı saıynǵy, jarty jylda bir ret beriletin, biryńǵaı áleýmettik kómek (12,9 myń adam, 414,3 mln.teńge). 

UOS qatysýshylarynyń jáne múgedekteriniń estelik kúnine áleýmettik tólemder: 

• Jeńis kúnine (4430 adam, 184,5 mln. teńge); 

sonymen qatar 1986 j. jeltoqsan oqıǵalarynyń aqtap shyǵarylǵan qatysýshylaryna: 

• QR Táýelsizdik kúnine (237 adam, 7,1 mln. teńge). 

2017 jyly birinshi ret memlekettik ataýly áleýmettik kómekterdi alýshylar qaıtarymsyz televızıalyq abonenttik qurylǵylarmen qamtamasyz etilgenin atap ótý kerek. Atalǵan qyzmetterdi somasy 560 myń teńgeni quraıtyn 51 adam qoldandy, - dep habarlady Meıirjan Batyrbekuly  óz sózinde.