Qoǵamdyq densaýlyq saqtaý departamenti mıkrobıologıalyq kórsetkishter boıynsha densaýlyqqa zıan keltiretin azyq-túlik ónimderin  anyqtady.

Qazaqparat deregine súıensek, Reseıden kelgen «Chebarkýlskaıa ptısa» broıler-balapany óniminen jáne AQSH-tan keletin taýyq sanynan salmonella tabylǵan. Bul taban astynda jasalǵan tekseris nátıjesinde anyqtalyp otyr.

Atalǵan ónimder tolyqtaı joıyldy. Salmonella Reseıden «MPK» ataýymen keletin taýyq etinen de tabyldy. Sonymen qatar «CAPITAL  PROJECTS LTD» JSHS óndiretin «Kýrochka rába» boılerinen de tabylǵan.

«Ónimdi burmalaý faktileri  tirkelip otyr. Sút ónimderinen alynǵan 100 synamanyń 6 paıyzy talapqa sáıkes kelmegen. Bul Lactalis International jáne «President» maıy jáne «Shadrınskoe» sútine qatysty. Reseıden keletin qus etterinen alynǵan 100 synamanyń úsheýinen markırovkada eskertilmegen shoshqa DNQ-sy (Dezoksırıbonýkleın qyshqyly) tabylǵan», - deıdi tehnıkalyq reglamentterdi qadaǵalaý bóliminiń basshysy Samat Qazanbaev.