Máskeýdegi Qazaqstan dıplomattary qaıtys bolǵan stýdent qyzdyń denesin elge jetkizý máselelerin sheship jatyr. Bul týraly QR SİM baspasóz hatshysy Ánýar Jaınaqov habarlady.
Ánýar Jaınaqovtyń aıtýynsha, Tomırıs Baısafanyń ólimine qatysty tergeý amaldary júrip jatyr.
Aıta keteıik, 13 sáýirde Máskeýdegi oqý ǵımaratynan qulap ketken qazaqstandyq stýdent qyz máskeýlik ýaqytpen tańǵy saǵat 4-te aýrýhanada jan tapsyrdy. Tomırıstiń qalaı, qandaı jaǵdaıda qulaǵany ázirge belgisiz. Qazirgi ýaqytta qyzdyń ákesi men anasy Máskeýde.
