Shymkenttegi «Bıik» sport kesheninde aýyr atletıkadan QR jeke kýbogy men chempıonaty ótip jatyr. Erler men áıelder arasyndaǵy jarysqa elimizdiń 14 oblysynan jáne  Almaty, Astana qalalarynan 132 atlet qatysýda.

Eske sala keteıik, elimizdiń aýyr atletteri qazan aıyna deıin álemdik jarystardan shettetilgen bolatyn. Sondyqtan, sportshylarymyz tek el chempıonattarynda óner kórsetýde. Ońtústiktegi saıysta da sportshylar shamalaryn baıqap, múmkindikterin kórdi. Olardyń qatarynda  Rıo-de-Janeıro qalasynda ótken olımpıada oıyndarynyń jeńimpazdary  Karına Gorıcheva, Denıs Ýlanov, Aleksandr Zaıchıkov jáne Farhad Harkı sekildi el maqtanyshtary da bar. Jarystyń alǵashqy kúngi  aınalymynda alańǵa sońǵy bolyp shyqqan Farhad Harkı 115 keli salmaqty baǵyndyryp, jarystyń úzdik  sportshysy atandy. Saıypqyran 120 kelige tapsyrys berip edi. Alaıda, bul salmaq sportshyǵa baǵynbady.

Aıta keteıik, jarys 18 mamyr kúni óz máresine jetedi. Onyń jeńimpazdary arnaıy kýbokpen marapattalatyn bolady.