OQO-da BAQ jáne áleýmettik jelige qatysty semınar ótti

/uploads/thumbnail/20180515173028302_small.jpg

Ońtústik Qazaqstan oblysynda jýrnalıser men blogerlerdiń basyn qosqan «Aqparattyq qoǵam: BAQ jáne áleýmettik jelidegi quqyqtyq mádenıet» atty semınar ótti. Oblystyq ishki saıasat basqarmasy, Qazaqstan Jýrnalıser odaǵynyń oblystyq fılıaly jáne Qazaqstan halqy Assambleıasynyń OQO boıynsha fılıaly birlesip uıymdastyrǵan is-sharaǵa sot, quqyq qorǵaý organdary, ádilet departamenti ókilderi qatysty.

Jýrnalıserdiń jáne áleýmettik jeli qoldanýshylarynyń aqparat berý tásilin damytý men aqparat taratýdaǵy quqyqtyq jaýapkershiligin arttyrý maqsatynda uıymdastyrylǵan basqosýda qoǵam men BAQ ókilderiniń arasynda baılanys ornatý máselesi sóz boldy. Jıynda OQO ákiminiń baspasóz qyzmetiniń jetekshisi Beısen Tájibaev kirispe sóz sóılep, baspasóz qyzmetkerleri men jýrnalıserdiń birigip jumys isteýi, aqparat taratýdaǵy áleýmettik jelilerdiń orny týraly aıtty. Sondaı-aq, semınarǵa qatysýshylar «BAQ-ta krımınogendi jáne áleýmettik-turmystyq sıpattaǵy aqparat taratýdyń tásilderi», «Buqaralyq aqparat quraldarynyń aqparat taratýdaǵy quqyqtyq jaýapkershiligi» taqyrybynda sóz sóıledi. Al oblystyq ishki saıasat basqarmasynyń aqparattyq saıasat jáne BAQ monıtorıńi bóliminiń basshysy Damır Júnisov «BAQ jáne aqparattyq tehnologıalardyń qoǵamǵa áseri» taqyrybynda baıandama jasady.

Budan bólek, basqosýda jýrnalıserdiń jáne áleýmettik jeli qoldanýshylarynyń aqparat taratýdaǵy etıka máseleleri men adam quqyǵy jaıy talqyǵa salyndy. Qalam ustaǵan qaýym osy máselelerge qatysty ózderiniń pikirlerin bildirip, oılaryn ortaǵa saldy. 

Pikir qaldyrý

Qatysty Maqalalar