Azamattyq qoǵam ınstıtýttary ǵalamdyq kún tártibin qalyptastyrýǵa qatysady jáne ony belsendi túrde júzege asyrady. Bul týraly «Global Challenges Summit» Astana ekonomıkalyq forýmy aıasyndaǵy paneldik sesıada sóılegen sózinde QR Din isteri jáne azamattyq qoǵam mınıstri Darhan Káletaev aıtty.  

«Azamattyq qoǵamnyń bolashaǵy. Jańa azamattyq belsendilik» taqyrybynda paneldik sesıasy QR Din isteri jáne azamattyq qoǵam mınıstrliginiń bastamasymen ótkizilýde.  

«Azamattyq qoǵam ınstıtýttary ǵalamdyq kún tártibin qalyptastyrýǵa qatysady jáne ony belsendi túrde júzege asyrady. Búginde turaqty qurylymy bar halyqaralyq ÚEU resmı konsýltasıalyq prosesterge, atap aıtqanda G20 jáne BUU sıaqty kópjaqty forýmdarǵa belsene qatysady»,- dedi D.Kaletaev.

Buǵan mysal retinde mınıstr Halyqaralyq valúta qorynyń jáne Dúnıejúzilik bank tobynyń jyl saıynǵy jınalystary barysynda ótkiziletin Azamattyq qoǵam saıasaty máseleleri jónnidegi Forýmdy atap ótti. Atalǵan forýmdarda álemdik ekonomıka, jahandyq qarjylyq turaqtylyq, jumyspen qamtý jáne kedeıshilikti joıý perspektıvalary talqylanady.

Mınıstrdiń aıtýynsha, 2016 jyly Ekonomıkalyq yntymaqtastyq jáne damý uıymynyń quramyna kiretin 27 elde ÚEU-dar halyqtyń múddesi úshin jumys isteıtin eń senimdi uıymdar bolyp tabylady. («Edelman Trust Barometer 2017» zertteýi). Bul rette, sońǵy 7 jylda qoǵamdyq uıymdar osy mańyzdy kórsetkishke ıe bolyp keledi. Úkimettik emes uıymdarǵa degen senimniń ósýi negizinen tanymal tulǵalar jáne buqaralyq aqparat quraldarynyń qyzmetimen baılanysty.

Paneldik sesıa jumysyna memlekettik organdardyń jáne úkimettik emes uıymdardyń ókilderi, saıasattanýshylar, halyqaralyq sarapshylar qatysty.