Elbasymyz N. Á. Nazarbaev ústimizdegi jyldyń 10 qańtaryndaǵy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty kezekti Joldaýynda «Agroónerkásip keshenin qarqyndy damytý múmkindigi» dep ataǵan mindetinde jerdi barynsha tıimdi ıgeretinderdi yntalandyryp, al durys paıdalana almaıtyndarǵa shara qoldanýdy tapsyrǵany belgili. Sondaı-aq Prezıdentimiz jerdiń ár metri tıimdi paıdalanylýyn jáne memleket osyǵan únemi monıtorıń jasaýdy bir júıemen sheshýdi de mindettegen bolatyn.
Osy oraıda BQO jerdiń paıdalanylýy men qorǵalýyn baqylaý basqarmasynyń bólim basshysy Janaıdar Moldashev oblys aýmaǵyndaǵy ıgerilmeı bos jatqan nemese tıimsiz paıdalanylyp júrgen aýyl sharýashylyǵy jerlerin aınalymǵa tartý úshin birkelki jumystardyń atqarylǵanyn aıtty.
-Aýyl sharýashylyǵy maqsatyndaǵy jer-lerdi utymdy jáne tıimdi paıdalaný maqsatynda jerdi naryqtyq aınalymǵa engizý arqyly jerdiń ekonomıkalyq tıimdiligin kóterý boıynsha biraz is-sharalar qoldanylyp, jańa zańdar qabyldanyp jatyr. Sonyń biri – 2017 jyldyń aqpan aıynan bastap qoldanysqa engizilgen QR «Jaıylymdar týraly» zańy. Sondyqtan bolashaqta aýyl sharýashylyǵy jerlerin paıdalanýshylar úshin, sonyń ishinde jaıylymdyq jerlerdi paıdalanatyndar da osy zań talaptaryn oryndaýǵa mindetti. Osy arada jerdiń durys ıgerilýi, qunarlylyǵynyń saqtalýy úshin jerdi paıdalanýshylar qandaı sharalar atqarýlary qajet degen suraqtyń týyndaýy da zańdylyq. Jer paıdalanýshylar tarapy- nan jasalatyn sharalar QR Ulttyq ekonomıka mınıstrliginiń 2015 jylǵy 27 naýryzyndaǵy №268 buıryǵymen bekitilgen «Aýyl sharýashylyǵy maqsatyndaǵy jerdi utymdy paıdalaný qaǵıdasynda» jáne QR Aýyl sharýashylyǵy mınıstriniń 2017 jylǵy 24 sáýirdegi №173 buıryǵymen bekitilgen «Jaıylymdardy utymdy paıdalaný qaǵıdasynda» aıqyn kórsetilgen. Atap aıtsaq, jerdiń qunarlyǵyn saqtaý jáne arttyrý, aýyl sharýashylyǵy daqyldarynyń belgili bir ónimdilik deńgeıin saqtaý, aýyspaly egisti saqtaý, jaıylym ýchaskelerinde jyl maýsymdary boıynsha keńistikte jáne ýaqytpen kezektesýleriniń saqtalýy, mal sharýashylyǵymen aınalysý kezin- de jaıylymdyq jerde ońtaıly júktemeni qamtamasyz etý, aýyl sharýashylyǵy maqsatyndaǵy jerlerde aramshóp pen aǵash buta ósimdikteriniń ósip ketýine, son- daı-aq turmystyq jáne óndiristik qaldyqtarmen qoqystanýyna jol bermeý boıynsha talaptar qoıylǵan. Osylaısha, eger aýyl sharýashylyǵy ónimin óndirem dep jer alǵandar ol jerin eki jyldan artyq paıdalanýsyz qaldyrsa nemese jerdiń topyraq qunarlyǵyn kóp tómendetip jiberse, ol jerdi aramshóp ne basqa da karantındik ósimdikter basyp ketse, ol jer memleket menshigine keri qaıtaryp alynatyn bolady,- dedi Janaıdar Moldashev.
