"Áziret Sultan" memlekettik tarıhı-mádenı qoryq-mýzeıinde jas sýretshilerdiń «Astana jáne Túrkistan» taqyrybynda sýret salý baıqaýy ótti.
Qylqalam sheberleriniń dodasy Elbasymyz N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda jáne Astana qalasynyń 20 jyldyq mereıtoıy men «Áziret Sultan» qoryq-mýzeıiniń 40 jyldyǵyna oraı uıymdastyryldy.
Baıqaýǵa qalalyq mektep oqýshylary men ýnıversıtet stýdentteri qatysty.
QR Sýretshiler odaǵynyń múshesi, OQO sýretshiler odaǵy fılıalynyń tóraǵasy Shılibaev Nurlan, Ahmet Iasaýı atyndaǵy Halyqaralyq Qazaq-Túrik ýnıversıtetiniń «Beıneleý óneri» kafedrasynyń profesory, p.ǵ.d., Eralın Qýandyq, «Beıneleý óneri» kafedrasynyń aǵa oqytýshysy Shahanbaev Murat qazylyq etken baıqaýda balalar salǵan sýretterdegi kórkemdik úılesim, boıaý tańdaý ádisi jáne taqyryptardy keńinen asha bilýimen qatar, oı ushqyrlyǵy da nazarǵa alyndy.
Saıys qorytyndysy boıynsha qazylar alqasynyń sheshimimen 10-12 jas aralyǵynda iriktelgen jas sýretshiler arasynan Bas júldeni Aldıar Dosov, birinshi oryndy Qojamuhamed Arman, ekinshi oryndy Nurıslam Naýryzbaı, úshinshi oryndy Sháýen Dastan ıelendi.
13-16 jas aralyǵyndaǵy sýretshiler arasynan Bas júldege Amantýr Erasyl, birinshi orynǵa Álıa Ementaı, ekinshi orynǵa Kamola Jýmanova, úshinshi orynǵa Araı Muhammed laıyq dep tanyldy.
Stýdentter arasynan Bas júldeni Ýbaıdýllaeva Zılola, birinshi oryndy Roza Eshmetova, ekinshi oryndy Esenqul Nazerke, úshinshi oryndy Tajımetova Shahnýra qanjyǵasyna baılady.
Sonymen qatar, Bas júldege 50 myń teńge, birinshi orynǵa 30 myń teńge, ekinshi orynǵa 20 myń teńge, úshinshi orynǵa 10 myń teńge kóleminde sertıfıkattar tabystalyp, alǵys hatpen jáne baǵaly syılyqtar tabystaldy.
