23-24 maýsymda Almaty qalasyndaǵy «Boraldaı» arheologıalyq parkinde «Uly dala – kóshpendiler álemi» Halyqaralyq etno-mádenı festıvali ótedi. Festıválǵa Túrkıa, Mońǵolıa, Bashqurtstan, Tyva, Ýkraına, Daǵystan, Qalmaq Respýblıkasy, Ózbekstan, Iakýtıa, Býrátıa, Saha Respýblıkasy jáne Qyrǵyzstan elderiniń úzdik ónerpazdary qatysady.
Festıválǵa jınalǵan halyq kóshpendilerdiń ótken dáýirine saıahat jasaıdy. Túrli is-sharalar, vıktorınalyq oıyndar men saıystardan syılyqtar utyp alyp, qyzyqty sheberlik sabaqtaryna qatysyp, kóńil kóteredi. Mysaly, jigitter kúsh synasyp, palýandar saıysyna tússe, qyz-kelinshekter ulttyq taǵamdardy eski tásildermen daıyndaýdyń qupıasymen tanysady. Sondaı-aq, kórermender arasynda «Eń ádemi ulttyq kıim» baıqaýy uıymdastyrylyp, jeńimpazdarǵa baǵaly syılyqtar tabystalady.
«Uly dala –kóshpendiler álemi» Halyqaralyq festıvalinde:
● Kósh sherýi
●Etnoaýyl
● At qulaǵynda oınaıtyn shet eldik jáne qazaqstandyq shabandozdardyń san túrli óneri
● Álemniń jáne Qazaqstannyń eń úzdik etnomýzykanttarynyń óneri
● Ulttyq oıyndar: kókpar, aýdaryspaq, qyz qýý, asaýǵa tusaý salý, teńge ilý, jamby atý
● Usta, zerger, qolónershi sheberlerdiń, ustalardyń óneri
● Ulttyq taǵamdardy daıyndaý men qolónerden sheberlik sabaqtary
● Balalar alańy
● Altybaqan
● Jastar aımaǵy
●Qusbegiler, mergender men palýandar saıysy, otbasylyq jarystar
● Gala-konsert
Festıvál 9-10 maýsym kúnderi tańerteńgi saǵat 10.00 – 19.00 aralyǵynda ótedi.
Ótetin orny: Almaty qalasy, Alataý aýdany, «Boraldaı» arheologıalyq parki. Turǵyndardy festıvál aımaǵyna jetkizý jaǵy da qarastyrylǵan. «Ortalyq stadıon» aıaldamasy men «Astana» alańy jáne «Saıahat» aımaǵy men «Alataý» dástúrli óner teatry mańynan ár 30 mınýt saıyn arnaıy avtobýstar júredi. Festıválǵa kirý tegin.
Baılanys telefony: +7 701 3434371
Bul – siz ben bizdiń tarıhymyz! Uly dalanyń máńgilik dastanyn birge jyrlaıyq!
