Almatyda ótip jatqan Eýrazıalyq Medıa forým barysynda sarapshylar fake jańalyqtarmen qalaı kúresýge bolatynyn talqylady.

EQYU-nyń BAQ bostandyǵy boıynsha ókili Arlem Dezır fake jańalyqtar problemasynyń barlyq elde baryn aıtty.

«fake jańalyqtar Eýropada, Reseıde, Túrkıada, Qazaqstanda, AQSH-ta barlyq eldiń medıakeńistiginde beleń alyp barady. Mundaı aqparattar qoǵamǵa óte yqpal etedi. Ony bir ǵana adam oılap tabýy múmkin. fake jańalyqtar tez vırýstyq jańalyqtarǵa aınalady. Adamdar muny demokratıanyń bir kórinisi dep oılaıdy. Osynyń kesirinen BAQ jumysyna senim azaıyp barady. Kóptegen elde jalǵan aqparatty boldyrmaý úshin shekteýge deıin barady. Alaıda, bul jerde sóz bostandyǵyna nuqsan kelmeýin qadaǵalaý kerek», - dedi Arlem Dezır. 

Ýkraın saıasattanýshysy, jýrnalıs Andreı Býzarov Qazaqstanda áleýmettik jelilerde shekteý joqtyǵyn aıtty

«Reseıde Telegram tyıym salynǵan. Qytaıda  Feısbýk, WhatsApp, Viber jumys jasamaıdy. Qazaqstanǵa kelgenimde telefonym myńdaǵan habarlamadan jarylyp kete jazdady. Men tipti ondaı qosymshalarmen qalaı jumys jasaıtynynyn umytyp qalyppyn. Bul Qazaqstandy TMD aımaǵynda eń progresıvti, sóz bostandyǵy saqtalǵan el etip kórsetedi», - dedi Andreı Býzarov.

Ýkraın jýrnalısi Katerına Sergaskaıa fake aqparattyń ýkraın halqyna keltirgen zalalyn tilge tıek etti.

«fake aqparattar meniń elime óte qatty nuqsan keltirdi. Internettegi jalǵan aqparattan Ýkraınaǵa shabýyl bastaldy. Bılik ondaı aqparattarmen kúresý kerektigin, aqparattyq qaýipsizdikke nuqsan keltiretinin túsindi. Qazir meniń elimde jýrnalıser elge zalalyn tıgizetin keıbir aqparatty jarıalamaıtyn boldy. Biz fake aqparattarmen tek Faktchekıng arqyly kúrese alamyz. Aýdıtorıaǵa tek shyndyq kerek», - dedi ýkraındyq jýrnalıs.

Aıta ketý kerek, Almatyda XV Eýrazıalyq medıa forým óz esigin ashty. 

Ortalyq Azıadaǵy táýelsiz dıalog alańy atalǵan Eýrazıa medıa forýmyna  60-tan astam elden 500 deleget qatysýda. Alqaly jıynda sarapshylar men saıasatkerler, ekonomıser men qoǵamdyq pikir ıeleriniń qatysýymen Qazaqstannyń, Eýrazıanyń, jalpy álemdik qaýymdastyqtyń ekonomıkalyq, geosaıası, áleýmettik mádenı máselelerin talqylaýda. Forýmnyńalǵashqy kúni sheberlik dáristerinen bastaldy.