Brıtan jýrnalısi Iýsýf Omar Eýrazıalyq medıaforým barysynda mobıldi jýrnalısıka týraly tájirıbesimen bólisti.

«#Hashtag our stories» kompanıasynyń negizin qalaýshy, brıtan jýrnalısi Iýsýf Omar zamanaýı jýrnalısıkanyń tehnologıalary týraly aıtty. Iýsýf Omar Snapchat arqyly Úndistandaǵy zorlyq-zombylyq qurbandarynyń máselesin kótergen bolatyn.

Onyń shaǵyn mátinmen jazylǵan vıdeolary aqparat áleminde jańa lep ákelgen bolatyn. «Áleýmettik jeli arqyly joǵary sapaly ınternettiń kómegimen jyldam montaj jasap, sapaly aqparat jazýǵa bolady. Las-Vegastaǵy atysty jýrnalıser emes, oqıǵany kózimen kórgender áleýmettik jeli arqyly taratty. Mobıldi jarnalıstıka qazirgi zamannyń jýrnalısıkasyndaǵy jańa lep desek bolady», - dedi Iýsýf Omar.

Jańalyqty montajdaý úshin asa kóp ýaqyt qajet emes.

Sheberlik sabaqtaryn birneshe ret sýretke túsirip alyp, sosyn shaǵyn ǵana vıdeo túsirip, montajdap jelige salý kerek.

«Kez kelgen jerde, kez kelgen ýaqytta telefon arqyly oqıǵa ornynan reportaj taratý kerek. Ol úshin shtatıv nemese kamera kerek emes. Máselen, qazir men sizderdiń aldyńyzda tursam, meniń kózildirigim osynda bolyp jatqan dúnıeniń barlyǵyn túsirip jatyr», - dedi ol.

Brıtandyq maman Qazaqstandaǵy mobıldi jýrnalısıka deńgeıin ortasha dep baǵalady.

«Qazir sheberlik saǵatyn 2-3 jýrnalıs qana áleýmettik jelige jarıalady. Mene ıntervú alǵan tilshilerdiń eshqaısysy reportaj jasamady», - dedi Iý. Omar.

Aıta ketý kerek, Almatyda Eýrazıalyq medıaforýmy osymen 15 ret ótkizilip otyr.