QR Din isteri jáne azamattyq qoǵam mınıstri Darhan Káletaev pen Almaty qalasynyń ákimi Baýyrjan Baıbek Almaty qalasynda azamattyq qoǵam ınstıtýttaryn damytý jónindegi «Belsendi megapolıs» Jol kartasyna qol qoıdy. Qujat Almaty qalasynda ótken Qoǵamdyq keńestiń keńeıtilgen otyrysynda bekitildi.  

«Búgin biz Almaty qalasynda azamattyq qoǵam ınstıtýttaryn damytý boıynsha «Belsendi megapolıs» jol kartasyna qol qoıdyq. Bul qujat Din isteri jáne azamattyq qoǵam mınıstrligi men Almaty qalasynyń ákimdigi arasynda azamattyq qoǵam, din jáne jastar salasyndaǵy memlekettik saıasatty júzege asyrýdyń ozyq tájirıbesin, formalary men tetikterin paıdalaný múmkindigin keńeıtedi», - dedi Darhan Káletaev.

Jol kartasy birqatar birlesken is-sharalardy ótkizýdi kózdeıdi. Atap aıtqanda, azamattyq qoǵam salasy boıynsha  Almaty qalasynda Azamattyq ortalyqtyń ashylýy, ÚEU ókilderine arnalǵan oqytý semınarlary men áleýmettik zertteýler ótkizý, Azamattyq qoǵamdy damytý jónindegi «U38» ýnıversıtter Alánsymen yntymaqtastyqty bekitý sıaqty sharalar josparlanǵan.

Din salasynda Almaty qalasynyń ımamdary úshin oqý kýrstaryn ótkizý, respýblıkalyq semınarlar men trenıńter uıymdastyrý, aqparattyq-túsindirý materıaldaryn ázirleý josparlanýda. Budan bólek, jastar saıasaty salasynda TMD-ǵa qatysýshy memleketterdiń jastar forýmyn ótkizý, volonterlerdiń respýblıkalyq sletin uıymdastyrý sıaqty is-sharalar qamtyldy.  

Búgin QR Din isteri jáne azamattyq qoǵam mınıstri Darhan Káletaev Almaty qalasyna jumys sapary aıasynda qalalyq qoǵamdyq keńestiń keńeıtilgen otyrysyna qatysqanyn esterińizge sala ketkimiz keledi. Sondaı-aq, mınıstrdiń «Nur-Múbarak» Islam mádenıeti ýnıversıtetine barýy jáne Almaty qalasynyń  úkimettik emes uıymdarynyń basshylarymen kezdesýi josparlanýda.