20 jyldyq mereıtoıy toılanatyn Elordany kórkeıtý maqsatynda 2 maýsym kúni Astanada alǵash ret turmystyq qaldyqtardy qabyldaýǵa arnalǵan #Ekologıalyq Asar ótedi. Ekologıalyq sharaǵa kez kelgen qala turǵyny qatysa alady. Eń bastysy qaıta óńdeýge keletin turmystyq qaldyqtardy ózińizben ala kelseńiz bolǵany. Ekologıalyq sharaǵa belsendi qatysyp, oljaly bol!
EkoAsarǵa qatysý úshin:
1. Makýlatýra, plasık, shyny bótelke, batareıa, synapty sham, isten shyqqan elektr jáne elektrondy tehnıkalar joıýǵa qabyldanady.
2. Ekologıalyq sharaǵa belsendi qatysyp, qaıta óńdeýge qaldyq ótkizgender arasynda arnaıy syılyqtar oınatylady.
3. Sonymen qatar, EkoAsarǵa kelgen turǵyndar men qala qonaqtary arasynda vektorınalyq suraqtar qoıylyp, syılyqtar úlestiriledi.
4. EkoAsar aıasynda Qazaqstan shoý-bıznesiniń jarqyn juldyzdarynyń qatysýymen konserttik baǵdarlama uıymdastyrylady.
5. Ótetin oryn: Imanov kóshesi 9, «Qazaqstan» sport saraıy alańy.
6. Ótetin ýaqyty: 2 maýsym. Saǵat 11:00-17:00
Qorshaǵan ortany qorǵaýǵa árbir qazaqstandyq úles qosa alady!
Aıta ketetin bolsaq, Kún saıyn Astana aýmaǵynan 1,2 tonna qatty qaldyqtar shyǵarylady. Onyń ishinde eń kóp taraǵan túri plasıkalyq ónimder – paketter, shólmekter, bir rettik asqana quraldary.
Kún saıyn Astana aýmaǵynan qurylys qoqystaryn eseptemegende 800-1000 tonna qatty turmystyq qaldyq shyǵarylady. Barlyǵyna belgili, plasık 500 jyl jaramdy bolady. Árıne, eger ony qaıta óńdemegen jaǵdaıda. Eger tabıǵı túrde shirise, álem plasıktiń astynda qalar edi. Sol sebepti osy maqsatta birneshe damyǵan elderde saýda kezinde polıetılen paketterdi qoldanýǵa shekteý qoıylǵan. Keıbir memleketterde sýdy saqtaý jáne tasymaldaý óndirisinde qoldanýǵa ruqsat etilmegen. Osyndaı sharalarmen álem tónip turǵan «plasıkalyq aýrýdan» arylýǵa tyrysýda.
Qazaqstannyń ekologıalyq uıymdary basqarmasynyń basshysy Aıgúl Soloveva elimiz qaldyqtardy qaıta óńdeýge qatysty kóptegen tujyrymdamalyq qujattarǵa ıe ekendigin aıtady. Onyń málimetinshe, qazirge qaldyqtardyń 5 paıyzyn ǵana óńdep otyrmyz. Dúnıe júzinde bul máselede 162 eldiń ishinde 39-shy orynda kórinemiz. Qysqasy, QTQ tıimdi qaıta óńdeý boıynsha zaýyttar men tehnologıalardyń bolmaýy, qoqystardy bólek jınaý jáne suryptaý júıesiniń damymaýy jáne olardy polıgondarǵa biryńǵaı salmaqpen qoımalaý epıdemıologıalyq qaýipti qaldyqtar men ýly zattardyń jınalýyna alyp keletini aıan. Nátıjesinde qorshaǵan ortanyń ahýaly, sapasy turaqty nasharlaýda, al tabıǵı landshaftar qalpyna kelmesteı ózgeristerge ushyraýda. Al Qazaqstan «jasyl ekonomıkaǵa» kóshý jónindegi tujyrymdamasyna sáıkes, 2050 jylǵa qaraı qatty turmystyq qaldyqtardy 50 paıyzǵa deıin óńdeýge qol jetkizýi tıis. Bul kórsetkishke jetý úshin memleket, bıznes pen qoǵam birikpese, nátıjesi neǵaıbyl.
