Almaty qalasynyń azamattyq ister jónindegi Medeý aýdandyq sotynda Ratel.kz portalyna  qatysty sheshim qabyldandy,- dep jazady Qamshy.kz aqparat agenttigi.

Cýdá Gúlmıra Beısenova "Ratel.kz gazetiniń shyǵarylýyn toqtatý , Ratel.kz domendik ataýyn qaıta tirkeýden bas tartý jáne bas redaktor Marat Asıpovqa jáne basqa da qyzmetkerlerge saıt materıaldaryn basqa buqaralyq aqparat quraldarynda, sonyń ishinde áleýmettik jelilerde jarıalaýǵa tyıym salý týraly Medeý aýdandyq prokýratýrasynyń túsirgen shaǵymy ishinara qanaǵattandyryldy. Ratel.kz analıtıkalyq ınternet-portalynyń onlaın-redaksıasynyń jumysyn toqtatý, qazaqstandyq BAQ-ta bir jyl boıy Ratel.kz domendik ataýyn paıdalanýdy tyıym salý", - degen sheshim shyǵardy. Sondaı-aq, sot sheshimi "Ratel.kz portalynyń bas redaktory Marat Asıpovqa Ratel.kz ınternet-portalynan aqparattyq materıaldardy, ınternet-resýrstarda jáne Ratel.kz, Balborsyk.kz, wildratel.com domendik ataýlaryna arnalǵan aqparattyq materıaldardy shyǵarýǵa jáne taratýǵa tyıym salady", - dedi sýdıa Gúlmıra Beısenova.

Bas redaktor Marat Asıpov sot sheshimine shaǵymdanýǵa nıetti ekenin aıtty. 

2018 jyldyń naýryzynda Bas prokýratýra ratel.kz domenin óshirý úshin Qorǵanys jáne aeroǵarysh ındýstrıa mınıstrliginiń «Aqparattyq qaýipsizdik komıteti» RSB-na nusqaý bergen. Domen 2017 jyldyń 3 jeltoqsanynda qaıtys bolǵan Gennadıı Bendıskıımen tirkelgen edi.

 Baqylaýshy organ «Bendıskııdiń domendik ataýdy tirkeýge ótiniminde kórsetilgen derekter qazir «tolyq emes nemese senimsiz» bolyp sanalady, bul «Internet jelisiniń qazaqstandyq segmentinde domendik ataýlardy tirkeý, paıdalaný jáne taratý erejeleri» degen qaǵıdatty buzý bolyp tabylady» dep túsinikteme bergen.

Esterińizge sala keteıik, ratel.kz qazaqstandyq saraptamalyq saıty 19 naýryz kúni  kútpegen jerden isten shyqqan bolatyn. Portalǵa VPN arqyly nemese basqa tásildermen kirý múmkin bolmaǵan.

Paıdalanýshylarǵa yńǵaıly bolý úshin barlyq materıaldar ýaqytsha Balborsyk.kz domenine aýystyryldy. Artynsha Ratel.kz resmı saıtynyń materıaldaryn Facebook áleýmettik jelisinde jarıalaý týraly sheshim qabyldandy, biraq organ keıinnen bul áreketterge de tyıym saldy.

Budan keıin redaksıanyń jýrnalıserine Almaty qalasynyń Medeý aýdandyq prokýratýrasynan aryz tústi. Sottyń birinshi otyrysy jabyq ótip, kóptegen jýrnalıser óz áriptesterin qoldaý úshin arnaıy kelgen bolatyn.

Tanymal qazaqstandyq portaldyń jumysyn oıda joqta toqtatyp tastaý birinshi ret bolǵan oqıǵa emes. 2015 jyldyń qyrkúıek aıynda Ratel.kz saıty belgisiz sebeptermen buǵattalyp, bes aıdan keıin qaıta iske qosylǵan.