«Boztorǵaı» baıqaýy Halyqaralyq festıválder men konkýrstar dúnıejúzilik Federasıasy qatarynan.

Bul týraly Almaty qalasy Óńirlik komýnıkasıalar qyzmetiniń alańynda málimdedi.

Ár laýreat nemese dıplomant taǵdyry baqylanyp otyrady, «Boztorǵaı» konkýrsynyń Halyqaralyq festıválder men konkýrstar dúnıejúzilik Federasıa qataryna engendigi arqasynda Qazaqstannyń daryndy balalary Halyqaralyq festıválder men konkýrstarǵa qatysý erekshe múmkindigin alady,-deıdi «Boztorǵaı» balalar shyǵarmashylyǵy halyqaralyq baıqaýynyń dırektory – Q.Ábdikárimova.

Mine sol qatysýlar barysynda bizdiń balalar árdaıym keremet nátıjelerge jetýde: AQSHta, Bolǵarıada, Latvıada, Lıtvada, Estonıada, Reseıde, Belorýssıada, Túrkmenstanda, Tádjikstanda, Germanıada, Koreıada, Polshada, Túrkıada, Italıada, Portýgalıada, Chehıada, Fransıada jáne Ispanıada jeńip alǵan gran-prı jáne syıly oryndar ózi úshin sóılep tur emespe?!

Konkrýsty ótkizip jatqan jyldar ishinde daryndy óner balalardy anyqtaý jáne damytý baǵytynda kóptegen jumys jasaldy. Bul jumys bir kezeńdik jumys emes ekendigin aıta ketý qajet, ol osy jyldar boıy josparly túrde árdaıym jasalyp kelgen áreket.

Almaty qalasy Óńirlik komýnıkasıalar qyzmetiniń alańynda ótken baspasóz konferensıasynda «Boztorǵaı» balalar shyǵarmashylyǵy halyqaralyq baıqaýynyń dırektory - Qarlyǵash Ábdikárimova: «Roza Rymbaeva, Keńes Dúısekeev, Lakı Kesoglý, Ramazan Stamǵazıev, Zarema Kasteeva, Gúlnara Saıtova, Altynbúbi Omarbekova, Valerıı Grıgorev sıaqty úlke tulǵalardan quralǵan ádil qazylar alqasy úsh kún boıy 82 den astam ánshilerdi, 30-dan astam halyqtyq oryndaýshylardy jáne 46 bı toptarynyń saıysyn baǵalaıdy»,-dedi.

Konkýrstyń ashyq aspan astynda ótkiziletindigi oǵan balalar meıramdaryna tán demokratıalylyq, qaǵilezdik jáne páktilik qosady. Ashyq túrli tústi sahnalyq kostúmder, qatysýshylardyń sahnaǵa shyǵar aldyndaǵy zeıindi túrleri, olar úshin jankúıer bolyp kelgen jaqyndarynyń qam jep, olar úshin nazasyzdanǵandary, qatal jáne synmen baqylap otyrǵan jetekshileri men ustazdary, jáne de, árıne, ár bir án men bıge qosylyp, barlyq oryndaýshylardy yntamen qarsy alyp otyrǵan kórermender – munyń bári umytylma erekshe kórinis.

Óziniń paıda bolǵan kezinen beri «BOZTORǴAI» Balalar Shyǵarmashylyǵy Halyqaralyq Konkýrsy bizdiń elimizdiń óner ómirindegi eskeriletin kórinisine aınaldy, áribul konkýrsqa qatysý, abyroıly, mártebeli is bolyp sanalady. «Boztorǵaı» laýreaty atalý, Qazaqstan jas talanttaryna óner álemine jasaǵaly jatqan saparlaryna laıyqty óner bastamasy bola tura, olarǵa ómirlik joldama retinde qyzmetin kórsetedi,-dep tolyqtyra tústi Q.Ábdikerimova.

Qarlyǵash Ábdikárimovanyń  aıtýy boıynsha, dástúrli «Boztorǵaı» balalar shyǵarmashylyǵy halyqaralyq konkýrsy Almatyda osymen jıyrmasynshy ret ótpek bolyp otyr. Ótken jyldardaǵydaı, konkýrs Almaty qalasynyń Ortalyq Demalys Parkinde ashyq alańda oryn alady. Almaty qalasyna jas ánshiler, bıshiler, halyq oryndaýshylary jáne sán teatrlary Qazaqstannyń barlyq aımaqtarynan jáne Qyrǵyzstannan, Ózbekstannan, Reseıden, Belorýsıadan, Ýkraınadan, Armenıadan, Grýzıadan, Azerbaıjannan, Lıtvadan, Latvıadan, Bolgarıadan, Italıadan, Chehıadan, kelmek. Konkýrsqa 800 – den asa bala qatysady,-dep habarlady baıqaý dırektory.