Memleket basshy­sy Nur­sultan Nazarbaev Qazaq­standa tenısti damytý úshin 10 jyl ishinde barlyq jaǵdaı jasalǵanyn atap ótti. Korttar sany tórt ese ósip, 60-tan 244-ke jetti. Sondaı-aq, tenıspen aına­lysatyn sportshylar sany jyl saıyn artyp kele jatyr.

– Tenıs sporty tıisti ınfraqurylym bolǵanda ǵana damıdy. Ár óńirde balalar sportpen shuǵyl­danyp, bıikterdi baǵyn­dyrýy úshin álemdik stan­dartqa saı tenıs ortalyq­tary salynýǵa tıis. Osy tenıs ortalyǵynda jatty­ǵatyn sportshylar álemdik deńgeıdegi juldyzdarǵa aınalady dep úmittenemin, – dedi Nursultan Nazarbaev.

Elbasy jas tenısshi­lermen áńgimelesý bary­synda árdaıym jeńiske degen senimderiniń berik bolýyna, jigerlilik pen sporttyq sheberlik arqyly alǵa qoıǵan maqsattaryna jetýlerine nıettestik bil­dirdi.

Jalpy, kólemi 8100 sharshy metr bolatyn «Eıs» tenıs ortalyǵynda «hard» qatty jabyndysy tóselgen 4 jabyq jáne 6 ashyq kort bar. Sondaı-aq, munda 2 tre­najer zaly, medısı­nalyq pýnkt, kıim aýys­tyratyn bólmeler, nusqaý­shylar kabınetteri, kon­ferens-zal, tamaqtaný oryndary orna­lasqan. Barlyq kort ha­lyqaralyq talaptarǵa saı keletin jaryq berý júıe­simen qamtamasyz etilgen. Bul jaz mezgilinde «ATP Challenger» deńgeıindegi týrnırlerdi ótkize alatyn Almatydaǵy birden-bir tenıs ortalyǵy.

Sport nysany jeke ınvestorlardyń qarjysyna salyndy.