Balalardy qorǵaý kúniniń qarsańynda «Jas Otan» Jastar qanatynyń belsendileri «Qasıetti jol» ońaltý ortalyǵynyń balalaryna merekelik kóńil kúı syılap qaıtty.

Qazir ortalyqta sal aýrýyna (BSP) shaldyqqan 3-15 jas aralyǵyndaǵy 50 bala em alýda. Jastar balalar jaqsy kóretin keıipkerlerdiń beınesinde kelip, olarmen bı bılep, syılyqtar tabystady. Ortalyq emdelýshileri ǵana emes, olardyń ata-analary da merekelik kóńil kúıge enip, balalarymen birge bı bılep, olardyń kóńildi ýaqyt ótkizýlerine jaǵdaı jasady.

Al búgin 12 jasqa tolyp jatqan Bekbolat úshin bul esinde qalatyn týǵan kúni boldy. Balalar men ata-analary, ortalyq qyzmetkerleri men qonaqtar da Bekbolatty erekshe yqylaspen ortaǵa shaqyryp, týǵan kúnimen quttyqtap, tezirek saýyǵyp ketýin tiledi.

Ortalyqqa emdelýge kelgen ata-analardyń biri merekeni «Búgin balalarǵa syılaǵan keremet kóńil kúı úshin alǵys aıtamyn. Jastarǵa jumystarynda sáttilik, tabys tileımin. Qasıetti Ramazan aıynda tilekterimiz qabyl bolsyn. Balalarymyz aýyrmasyn. Ortalyqtyń qyzmetkerlerine erekshe rahmet aıtqym keledi» degen sózderimen aıaqtady.

Ońaltý ortalyǵyna balalar emdelýge Astana qalasynan ǵana emes, Qaraǵandy, Taldyqorǵan, Tarbaǵataı, Ekibastuz qalalarynan da kelgen. Mamandar elimizde serebraldy sal aýrýyn eń keń taralǵan aýrýlardyń birine jatqyzdy. Osy dıagnoz qoıylǵan balalar jylyna keminde 3-4 ret em qabyldaýlary kerek eken. Ortalyqtyń ashylýyna «Samuryq-Qazyna» Ulttyq ál-aýqat» qory»-men qatar, «Nur Otan» partıasy da qoldaý bildirgen.