«El-shejire» qoǵamdyq qory Almaty qalasy İshki saıasat basqarmasynyń qoldaýymen «El júregi – Astana» atty úzdik vaın baıqaýyn ótkizedi.

Baıqaýdyń maqsaty – Astana qalasynyń sońǵy 20 jyldaǵy jetistigin vaınerler arqyly kórsetý. Baıqaýǵa Almaty qalasynyń kez kelgen turǵyny qatysa alady.

Talaptar:

• Vaın mazmuny belgilengen taqyrypqa sáıkes bolýy tıis.
• Vaınnyń uzaqtyǵy 60 sekýnd.
• Bir qatysýshy usynatyn vaındardyń sany 5-ten aspaýy qajet.
• Vaınnyń tehnıkalyq sapasy joǵary deńgeıde bolýy kerek.
• Qatysýshy vaındy 2018 jyldyń 1-shildesine deıin Facebook, VK, Instagram áleýmetik jelilerinde ashylǵan «El júregi – Astana» atty paraqshalarǵa ornalastyrýy kerek. Astyna #Astana20jasta heshtegin mindetti túrde jazýdy umytpańyz.
• Sondaı-aq materıaldar elektrondy túrde uıymdastyrýshylardyń elektrondy poshtasyna joldanýy tıis. Materıaldar memlekettik jáne orys tilderinde qabyldanady. Baıqaýǵa materıaldardy qabyldaýdyń sońǵy kúni – aǵymdaǵy jyldyń 1-shildesi. Usynylatyn materıaldarǵa qatysýshy týraly qysqasha ómirbaıandyq aqparat, 3h4 sm. sýreti, usynylǵan materıaldar tizimi qosa beriledi.

JÚLDE:

• Birinshi oryn – noýtbýk.
• Ekinshi oryn – planshet.
• Úshinshi oryn – smartfon.

Jeńimpazdar áleýmettik jelide arnaıy daýys berý arqyly anyqtalady.