Astana qalasynda, Aqmola, Qostanaı jáne Soltústik Qazaqstan oblystarynda aýa raıyna baılanysty eskertý jarıalandy, dep habarlaıdy Qamshy.kz aqparat agenttigi Qazgıdrometke silteme jasap.
«1 maýsym kúni túnde Aqmola oblysynda ońtústik-batystan soqqan jeldiń jyldamdyǵy keı jerlerde 15-20 m/s-qa jetedi, al kúndiz oblystyń basym bóliginde 15-20 m/s jyldamdyqpen soǵady, ekpini 23-28 m/s-qa deıin jetedi. 2 maýsym kúni de ońtústik-batystan turǵan jeldiń jyldamdyǵy sekýndyna 15-20 metrge, al ekpini kúndiz 23-28 m/s-qa jetedi. 2 maýsymda daýyl turyp, burshaq jaýýy múmkin», - delingen habarlamada.
Astanada 1 maýsymda kúndiz, sondaı-aq 2 maýsym kúni ońtústik-batystan soqqan jeldiń jyldamdyǵy keı jerlerde 15-20 m/s-qa, ekpini 2 maýsymda 23-28 m/s-qa deıin jetedi. Sondaı-aq, 2 maýsym kúni kún kúrkirep, kúndiz daýyl turýy múmkin, burshaq jaýýy yqtımal.
1 maýsym kúni Qostanaı oblysynyń keı jerlerinde naızaǵaı oınaıdy, daýyl soǵyp, burshaq jaýýy múmkin. Jel aldymen ońtústik-batystan, keıin soltústik batystan sekýndyna 15-20 metr jyldamdyqpen soǵady.
1 maýsymda Soltústik Qazaqstan oblysynda ońtústik-batystan, batystan soqqan jeldiń jyldamdyǵy túnde óńirdiń basym bóliginde sekýndyna 15-20 metrge, ekpini 23-28 m/s-qa deıin, al kúndiz keı jerlerde 15-20 m/s-qa deıin jetýi múmkin. Jańbyr jaýady. Keı jerlerde kún kúrkireıdi, daýyl turyp, burshaq jaýýy yqtımal.
