Astananyń ortalyq saıabaǵyndaǵy atraksıondardyń birinen boıjetken qulap ketken.

1 maýsymda bolǵan tótenshe jaǵdaı jaıly qalanyń turǵyny habarlady.

«Ortalyq saıabaqtaǵy qyz bala otyrǵan «Rogatka» atraksıony úzilip ketti. Aldymen temirge soqtyǵysqan qyz atraksıon jibine baılanyp, aýada turyp qaldy. Muny kórgen adamdardyń esi shyqty», - dep jazdy Facebook paraqshasyna Olesá Kresánınova.

Onyń aıtýynsha, saıabaq ıeleri qaýipsizdik tehnıkasyn saqtamaıdy. Tipti atraksıon astynda tótenshe jaǵdaı barysynda adamdar jeńil qulaıtyn qabat joq. Turǵyndar bul oqıǵaǵa elorda ákimshiliginiń nazaryn aýdaryp, qala ishindegi atraksıondardy tekserýin talap etti.

Aıta keteıik, bul oqıǵa alǵashqysy emes. Mamyrdyń basynda «Jannur»  saýda úıiniń mańyndaǵy batýt aýdarylyp, birneshe bala zardap shekken. Polısıa qyzmetkerleri oqıǵaǵa qatysty «Qaýipsizdik talaptaryna saı kelmeıtin qyzmetterdi usyný» baby boıynsha is tergeý jumystaryn júrgizdi.