Búgin — Qazaqstan Respýblıkasynyń Memlekettik rámizderi kúni. 1992 jylǵy 4 maýsymda Táýelsiz Qazaqstannyń memlekettik rámizderi tuńǵysh ret bekitildi. Bul kún el tarıhynda Memlekettik rámizder kúni retinde tańbalanyp qaldy.
Qamshy.kz aqparat agenttigi memlekettik rámizder jaıly on derekti usynady:
- 1992 jyly QR Memlekettik týyn tańdaıtyn sátte 600-den astan adam óz nusqalaryn usynǵan.
- 1992 jyly qabyldanǵan Memlekettik týdaǵy oıý bastapqyda qyzyl tústi bolǵan. Keıinnen altyn túske aýystyrylǵan.
- 1992 jyly Eltańbany tańdar kezde 293 nusqa usynylǵan.
- Memlekettik eltańba tańdalǵan sátten bastap esh ózgeriske túspegen.
- Eltańbaǵa juldyz Elbasy Nursultan Nazarbaevtyń usynysymen engizilgen.
- Batsapqyda Eltańba avtory juldyzdyń ornyna kún nemese aıdyń beınelenýin usynǵan.
- 2006 jyly búginde qoldanysta júrgen Memlekettik ánuran bekitildi. Ol 2006 jyldyń 11 qańtarynda Memleket basshysynyń saltanatty ulyqtaý rásimi alǵash ret oryndaldy.
- Jumeken Nájimedenovtiń sózine jazylǵan «Meniń Qazaqstanym» ánine Elbasy Nursultan Nazarbaevtyń ózi ózgerister engizip, Ánuran avtorlarynyń biri retinde bekitildi.
- Jańa bekitilgen Ánuran 59 sózden turady. Onyń ishinde 25 sóz jańadan engizilgen. Al áýeni tolyqtaı saqtalǵan. Mýzykasynyń avtory – Shámshi Qaldaıaqov.
- Alǵashqy Ánuran sóziniń avtorlary saıasatqa negizdelip tańdalǵan desedi. Olar – qazaqtyń úsh júzinen shyqqan úsh aqyn Muzafar Álimbaev, Qadyr Myrza Álı jáne Tumanbaı Moldaǵalıev. Keıinirek bul tizimge arasynda áıel adam bolýy kerek degen oımen Jadyra Dáribaeva qosylǵan eken.
