2018 jyldyń aıaǵyna deıin Shyǵys Qazaqstanda 277 IT-synyp ashylady. Bul týraly búgin aımaq basshysy Danıal Ahmetov oblystyń daryndy balalaryn ulyqtaý kezinde málimdedi.
Búkil álemdik balalardy qorǵaý kúninde Danıal Ahmetov aımaqtyń kishkentaı daryndy balalarymen kezdesti. Respýblıkalyq «Nur Otan – balalarǵa!» aksıasy aıasynda oblystyq fılıalda erekshe qonaqtarǵa arnaıy jaıylǵan «tátti» dastarhan basynda beıresmı jaǵdaıda qyzyqty áńgime boldy. Oblys ákimi «qarapaıym tilde» balalarǵa Shyǵys Qazaqstannyń, jalpy respýblıkanyń damý jospary týraly aıtyp berdi. Ásirese, Tórtinshi ónerkásiptik jańǵyrý jaǵdaıyna toqtaldy. Bir qyzyǵy, balalar da bul taqyryptan alys bolmaı shyqty. Máselen, 8 jasar Anton Slýgın kishkentaı bolsa da aqparattyq tehnologıaǵa zor qyzyǵýshylyq tanytýda. Oblystyq zıatkerlik baıqaýlardyń jeńimpazy búgingi kezdesýde kórsetken Lego Mindstorms modeliniń robotyn ózi baǵdarlamalap, arnaıy ákelgen.
– Álemmen báskelestikke túsý úshin balalardyń kishkentaı kezinen baǵdarlamalaýǵa úıretý kerek. Bul Elbasy aıtatyn bolashaq. Bıyl qyrkúıekte Shyǵys Qazaqstannyń barlyq mektepterinde robot tehnıkasy kabınetteri ashylady jáne bul osy baǵytta atqarylar istiń basy ǵana, - dedi Danıal Ahmetov jýrnalıserge bergen suhbatynda.
Aıta ketý kerek, búgin «Nur Otan» partıasy saıası búrosynyń jıynynda el boıynsha 1000 tegin IT-synyptaryn ashý mindeti qoıyldy. Joba baǵdarlamalaý jáne robot tehnıkasyn tereńdetip fakúltatıvti oqytýǵa baǵyttalǵan. Endi eńbek naryǵynda joǵary suranys bilikti IT-mamandaryna bolady.
– Shyǵys Qazaqstan bul mindetti jyl arnasynda sheshedi. 1000-nyń 277 IT-synyby SHQO-da bolady. Sonymen qatar, robot tehnıkasy kabınetterin kompúterlik synyptarymen kiriktiremiz. Bizde IT-ortalyq bar, qajetti baǵdarlamany jasaımyz. Aıta ketý kerek, jaqyn arada SHQO-da baǵdarlamashylar forýmy ótedi. Onda tek aǵa býyndy emes, balalardy da shaqyramyz. Búgin kórgen ul-qyzdar men myqty baǵdarlamashylardyń ózindik sıntezin jasaýdy kózdeımiz, - dedi aımaq basshysy.
Meıramda barlyq 26 balaǵa Danıal Ahmetov salaýatty ómir saltyna bastar velosıpedtiń sertıfıkatyn tabys etti.
