Kýrchatov qalasyndaǵy Ulttyq Iadrolyq Ortalyqta osymen 17-inshi ret ótkizilip otyrǵan jas ǵalymdar men mamandar konferensıasy elimizdegi beıbit atomdy nasıhattaýǵa ári damytýǵa arnalǵan.

Konkýrstyq komısıa múshesi, Radıasıalyq qaýipsizdik jáne ekologıa ınstıtýtynyń ǵalym-hatshysy, bıologıa ǵylymdarynyń kandıdaty, PhD doktor Natalá Larıonovanyń aıtýynsha, jastardyń ǵylymı konferensıasyna 42 delegat qatysyp otyr. Bıyl ǵylymı jumystar tolyǵymen iriktelip alyndy. Byltyrǵymen salystyrǵanda ıadrolyq energetıka salasyna den qoıýshylardyń qatary artqan.

— Jas ǵalymdardyń ǵylymı konferensıasynda Radıasıalyq qaýipsizdik jáne ekologıa ınstıtýtynyń ınjeneri Pavel Krıvıskııdiń ǵylymı zertteýi úzdik jumys bolyp tabyldy,-dedi QR Ulttyq Iadrolyq Ortalyqtyń Bas dırektorynyń  m.a Sergeı Berezın,-ol tuńǵysh ret Semeı ıadrolyq synaq polıgonynyń lastanǵan jerlerin qalaı tazartýdyń keremet jolyn usynyp otyr.

«Ózindik ereksheligi bar jumys» retinde Radıasıalyq qaýipsizdik jáne ekologıa ınstıtýtynyń epıdemıolog-mamany Aınur Kenesarınanyń zerttemesi ataldy. Sondaı-aq, Natalá Larıonovanyń aıtýynsha, bıyl Atom energetıkasy ınstıtýtynan ınjener Vadım Bochkov «Jumysyn kórkemdeý úzdigi» atalymyna ıe bolsa, osy ınstıtýttan taǵy bir ınjener Qýanysh Samarhanov optıkalyq sáýlelenýdegi ıadrolyq energıa reaksıalarynyń ózgerýi týraly zertteýlerine oraı konferensıada 3-inshi oryndy ıelendi.