Densaýlyq saqtaý mınıstri Eljan Birtanov Qaskeleńdegi turǵyndardyń jaǵasyn ustatqan ınfeksıalyq aýrýhananyń jabylýyn talap etti.
«Qaskeleńdegi ınfeksıalyq aýrýhananyń jaıyn aıtar bolsaq: jaǵdaıy tym nashar. Sol sebepti mekemeni jaýyp, naýqastardyń qalalyq aýrýhanaǵa kóshirilýin tapsyrdym. Qaskeleńdegi aýrýhanaǵa barǵanda analarmen sóılestim. Olar jedel-járdemdi 40 mınýt boıy kútkenderin aıtyp shaǵymdandy. Men bas dárigerdiń ákimshilik jaýapkershilikke tartylýyn tapsyramyn, talap etemin», - dedi Birtanov.
Aıta keteıik, buǵan deıin Almaty oblysynyń turǵyny Qaskeleńdegi ınfeksıalyq aýrýhananyń jaǵdaıyn vıdeoǵa túsirip, jelide jarıalaǵan. Sózi senimdi bolý úshin áıel dáliz ben dárethanadaǵy synǵan plıtkalardy ári qulaýǵa shaq qalǵan qabyrǵalardy kórsetti.
