Shyǵysqazaqstandyq «Altay athletics» kásibı jeńil atletıka klýbynyń ókili Karolın Kıpkırýı Katar astanasy Dohada ótken bıylǵy «Gaýhar lıga» jarysynyń alǵashqy kezeńinde jeńis tuǵyrynan kórindi.

Bizdiń sportshy úsh myń metrlik qashyqtyqty bárinen buryn júgirip ótip, jarys jeńimpazy atandy. Aıta keteıik,bul synǵa «Altay athletics» klýbynyń taǵy bir ókili Nora Djerýto da qatysqan bolatyn. Alaıda, Nora bul joly úzdikter qatarynan kórine almady. Jarys jeńimpazynan segiz sekýndqa qalyp qoıǵan ol máre syzyǵyn onynshy bolyp kesti. Al saıysta top jarǵan Karolın Kıpkırýı bolsa, jarys jolyn 8 mınýt 29 sekýndta júgirip ótti.

Oblystyq dene shynyqtyrý jáne sport basqarmasynyń baspasóz qyzmeti habarlaǵandaı, «Altay athletics» jeńil atletıka klýbynyń kapıtany ári lıderi Olga Rypakova men taǵy bir beldi múshesi Deızı Jıpkemeı «Gaýhar lıganyń» kelesi kezeńderinde óner kórsetpek.