Qytaıdyń Sındao qalasynda Shanhaı Yntymaqtastyq uıymynyń resmı jınalysy bastaldy, dep habarlaıdy Qamshy.kz aqparat agenttiginiń tilshisi.
Samıt SHYU-ǵa múshe memleket basshylarynyń amandasýymen bastaldy.
«SHYU-nyń 18 samıtine qosh keldińizder. Pákistan Prezıdenti Mamnýn Hýseın men Úndistan Premer-Mınıstri Narendra Modıge erekshe qoshemet kórsetkim kelip otyr. Olar SHYU otyrysyna uıymǵa múshe memlekettiń basshysy retinde alǵash ret qatysýda. Sondaı-aq, Qyrǵyzstan Prezıdenti Jeenbekov myrzany da Memleket basshylary keńesine alǵash ret qatysýymen quttyqtaımyn. Bizdiń otyrysymyz SHYU keńeıtilgennen keıin mundaı formatta alǵash ret ótkizilýde. Barlyq 8 memlekettiń basshylary qatysýda. Samıttiń tarıhı máni bar. Uıym músheleri sanynyń artýynyń arqasynda biz qýatty, myqty bola tústik», - dedi shaǵyn quramdaǵy otyrysty ashqan QHR Tóraǵasy Sı Szınpın.
Keıin memleket basshylary keńesiniń jıyny ótip, Qytaıdyń bir jyldyq tóraǵalyǵyn qorytyndylady. Qytaı tóraǵasy Shı jın pıńniń aıtýynsha, Úndistan men Pákistannan keıin keıin uıymnyń irgetasy áldeqaıda nyǵaıa túsken.
Jıyn qorytyndysyna sáıkes, Shanhaı Yntymaqtastyq uıymynyń kelesi tóraǵasy Qyrǵyzstan boldy. Shı jın pıń Qyrǵyz Respýblıkasynyń uıymǵa tóraǵalyǵyna qoldaý kórsetetinin málimdedi.
Aıta keteıik, Sındao samıti segizdik formatta alǵash ret ótip jatyr. Otyrysqa Qazaqstan Prezıdenti Nursultan Nazarbaev, Reseı Prezıdenti Vladımır Pýtın, Qyrǵyz Prezıdenti Sooronbaı Jeenbekov, Pákistan Prezıdenti Mamnýn Hýseın, Tájikstan Prezıdenti Emomalı Rahmon, Ózbekstan Prezıdenti Shavkat Mırzıeev, Úndistan Premer-Mınıstri Narendra Modı, SHYU-ǵy baıqaýshy mártebesi bar Aýǵanstan Prezıdenti Ashraf Ǵanı, Belarýs Prezıdenti Aleksandr Lýkashenko, Iran Prezıdenti Hasan Roýhanı jáne Mońǵolıa prezıdenti Haltmaagıın Battýla jáne birqatar halyqaralyq uıymnyń basshylary qatysty.
Keńeıtilgen quramdaǵy otyrystan keıin samıttiń basty qujaty Sındao deklarasıasy qabyldanyp, 20-dan astam qujatqa qol qoıylmaq. Onyń 17-sin Memleket basshylary rásimdeıdi.
Shanhaı yntymaqtastyq uıymy 2001 jyly Qazaqstan, Qyrǵyzstan, Qytaı, Reseı men Tájikstan basshylary Shekara aımaǵyndaǵy áskerı saladaǵy senim sharalaryn nyǵaıtý týraly kelisim men Shekara aımaǵyndaǵy áskerı kúshterdi ózara qysqartý týralyk elisimge qol qoıǵannan keıin qalyptasqan «Shanhaı bestigi» tetiginiń negizinde quryldy.
Uıymnyń negizgi maqsaty – 2002 jyly 7 shildede qabyldanǵan SHYU Hartıasyna sáıkes ózara senim, dostyq pen tatý kórshilikti nyǵaıtý; saıası, saýda-ekonomıkalyq, ǵylymı-tehnıkalyq, mádenı, bilim berý; energetıkalyq, kólik, ekologıalyq jáne basqa salalardaǵy yntymaqtastyqty qoldaý.
2017 jyldyń 8-9 maýsymynda SHYU-ǵa múshe memleketter Keńesiniń otyrysy Astanada ótti. Onda Qazaqstan, Qytaı, Qyrǵyz Respýblıkasy, Reseı, Tájikstan jáne Ózbekstan basshylary qatysqan bolatyn. Qazaqstan Respýblıkasynyń prezıdenti Nursultan Nazarbaev otyrysta tóraǵalyq etti.
