Aqtaýdaǵy múgedek balalarǵa arnalǵan mektep-ınternatynyń dırektory ydys-aıaq syndyryp, daý shyǵarǵannan soń jumysynan bosatyldy, dep habarlaıdy Qamshy.kz aqparat agenttigi.

Bul týraly Mańǵystaý oblysy jumyspen qamtýdy úılestirý jáne áleýmettik baǵdarlamalar basqarmasynyń bastyǵy Qýanysh Berishbaev málimdedi.

Berishbaevtyń sózinshe, oqıǵa 7 maýsym kúni №3 arnaıy áleýmettik qyzmet kórsetý ortalyǵynda bolǵan. Mekeme qyzmetkerleri men dırektor arasyndaǵy qaqtyǵystyń vıdeojazbasy Facebook-te jarıalanǵan.

«Oqıǵa beısenbi kúni keshki ýaqytta boldy. Men osy adamdarmen jáne mekeme dırektorymen kezdestim. Bolǵan jaǵdaı boıynsha komısıa qurylyp, tolyq tekserý júrizildi. Dırektor Shattygúl Qarakúshikova 8 maýsymda qyzmetinen bosatyldy. Bul - dırektor men 10 mekeme qyzmetkerleri arasyndaǵy ishki qaqtyǵys», - dep atap ótti basshy.

Onyń aıtýynsha naqty sheshim komısıanyń jumysynan keıin qabyldanady. «Onyń qyzmetine qaıta oralýy komısıanyń tekserisinen keıin belgili bolady. Munymen qosa eńbek basqarmasy ınternatty da tekseredi. Osy ýaqytqa deıin ujym dırektordyń atyna aryz jazǵan», - dedi Berishbaev.

Shattygúl Qarakúshikova 2017 jyldyń tamyz aıynan beri psıhonevrologıalyq úı-ınternatyn basqarady. «№3 arnaıy áleýmettik qyzmet kórsetý ortalyǵy» QMÝ psıhonevrologıalyq aýrýy bar 3 jastan 18 jasqa deıingi múgedek balalarǵa táýlik boıy turaqty qyzmet kórsetip, ýaqytsha turýǵa, arnaıy áleýmettik qyzmetterge arnalǵan.