Qytaı tóraǵasy Shı jın pıń AQSH-tyń Iran ıadrolyq kelisiminen shyǵyp ketkenine ókinishin bildirip, kelisimdi saqtaýda Reseımen birlesip jumys isteýge daıyn ekenin málimdedi.  

«Biz AQSH-tyń Iran kelisiminen shyǵyp ketkenine ókinemiz. Kelisimdi saqtaý aıasynda Qytaı Reseımen jáne ózge memlekettermen birlesip jumys isteýge daıyn», - dedi Shı jın pıń SHYU-nyń keńeıtilgen otyrysynda.

Aıta keteıik, 8 mamyrda AQSH prezıdenti Donald Tramp arnaıy málimdeme jasap, Vashıngton Iran kelisiminen shyǵatynyn málimdegen. Ol Irandy «terorızmdi qoldady» dep aıyptady. Málimdemesi barysynda «Iran kelisimin qaıta qaraý kerek nemese múlde toqtatý qajet» dep toqeterin aıtqan bolatyn. Óz kezeginde Iran prezıdenti Hasan Roýhanı «AQSH 2015 jylǵy ıadrolyq kelisimnen shyqsa, opyq jeıdi» dedi.