KHDR kóshbasshysy Kım Chen Yn Pekınge bardy. Japonıalyq Nihon Television Network telekompanıasynyń jýrnalıseri onyń ushaqtan túsip jatqanyn túsirip alǵan.
Flightradar24 portalynyń málimetinshe, Pekınniń áýejaıyna kelip toqtaǵan ushaq soltústik koreıalyq memlekettik "Kore" avıakompanıasyna tıesili. Dál osy ushaqpen Kım Chen Yn ótken aptada Sıngapýrǵa AQSH prezıdenti Donald Tramppen kezdesýge barǵan bolatyn.
Aldyn ala jasalǵan boljam boıynsha, Kım Chen Yn Qytaı kóshbasshysy Sı Jın pıńmen AQSH-KHDR samıtin talqylaý úshin kezdesedi. Aıta keteıik, AQSH pen Soltústik Koreıa arasyndaǵy samıt 12 maýsymda ótti. Al Sınhýa agenttiginiń málimetinshe, Kım Chen Yn men Sı Jın pıńniń kezdesýi 19-20 maýsymda ótedi.
KHDR basshysy jubaıymen birge Qytaıda naýryzdyń 25-28 aralyǵynda bolyp qaıtqan. Bul onyń Soltústik Koreıa bıligin qolyna 2011 jyly alǵannan keıingi alǵashqy memlekettik sapary boldy. Alaıda ol sapary jaıly kezdesý aıaqtalǵan soń habarlanǵan edi. Ekinshi ret Kım Chen Yn men Sı Jın pıń 7-8 mamyrda kezdesti .
