Jergilikti NZZ gazetiniń 16 maýsymda jarıalanǵan «Kóleńkeli aqshany zańdastyrý: Ózbekstanǵa arnalǵan mıllıon» degen maqalada Gúlnár Kárimovaǵa tıesili bolǵan bankte buǵattaýly 800 mln franktiń 686,7 mıllıonyn tez arada Tashkentke qaıtarý jóninde prokýratýra sheshimi shyqqany jazylǵan.
Shveısarıa prokýratýrasynyń orderinde Gúlnár Kárimovanyń aty-jóni aıtylmaǵan. Qujatta tek Gúlnár Kárimovanyń burynǵy kúıeýine jáne jaqyn áriptesine tıesili aqshany qaıtarý jóninde jazylǵan.
Biraq joǵarydaǵy eki adamnyń aty-jóni tolyq ashylmaıdy. Alaıda olardyń Karımovanyń burynǵy azamattyq kúıeýi Rýstam Madýmarov pen Gúlnárdyń jeke kómekshisi Gaıane Avakán ekenin anyq. Gúlnár Kárimovanyń bıznes-ımperıasyndaǵy mańyzdyń adamdar bolyp kelgen ekeýi de qazir ózbek sotynyń sheshimimien 14-13 jylǵa sottalyp, Ózbekstanda jazalaryn ótep jatyr.
Shveısarıa orderinde Rýstam Madýmarov pen Gaıane Avakán ózderine taǵylǵan barlyq aıyptar boıynsha kinálaryn moıyndaǵan. Olar bankte buǵattaýly aqshalaryn ózbek bıligine qaıtarýdy suraǵan.
Shveısarıa prokýratýrasy tergeýdiń jaýaptaryna senip, Ózbekstanǵa tez arada Jeneva men Súrıh bankterinde jatqan Rýstam Madýmarov pen Gaıane Avakánnyń esepshotyndaǵy 866.7 mln frankty (700 mln AQSH dollary) qaıtarý jóninde sheshim shyǵarǵan.
Gúlnár Karımovanyń Shveısarıadaǵy advokaty Gregoır Manget bul sheshimdi zań buzýshylyq dep ataǵan. Ol mundaı sheshimdi tek sot shyǵarý kerek dep esepteıdi. Munan bólek advokat ózbek túrmesinde jatqan Madýmarov pen Avakánnyń óz erikterimen ótinish bergenine kúmán keltiredi.
Advokat shveısar jýrnalıserine 25-26 sáýirde Gúlnár Kárimovamen kezdeskenin, onyń ózine taǵylǵan aıyptardy joqqa shyǵaratynyn jáne burynǵy áriptesterin azaptaý arqyly ózbek bıligi tıimdi jaýap alǵan dep esepteıtinin málimdegen.
