QR Din isteri jáne azamattyq qoǵam mınıstri Darhan Káletaev Qazaqstandaǵy Japonıa elshisi Ichıro Kavabatamen kezdesti, dep habarlaıdy Qamshy.kz aqparat agenttigi.

                Kezdesý barysynda taraptar eki jaqty yntymaqtastyqtyń perspektıvalaryn talqylap, jastar saıasatyn júzege asyrý máseleleri boıynsha áńgimelesti.

        Din isteri jáne azamattyq qoǵam mınıstri Japon eli ókilderiniń Álemdik jáne dástúrli din lıderleriniń sezi jumysyna belsendi ári udaıy qatysýyna alǵys bildirdi.

Darhan Káletaev Japonıa Elshisin 19-20 qazan kúnderi Astanada ótetin «Jastarǵa arnalǵan ınvestısıa» Halyqaralyq konferensıasyna qatysýǵa shaqyrdy.

Aıta keteıik, atalǵan konferensıany ótkizý bastamasy Mınıstrlik basshylyǵynyń Halyqtyń qonystanýy jáne damýy jónindegi parlamentarıılerdiń Azıalyq Forýmynyń tóraǵasy, Japonıa Parlamenti keńesshiler palatasynyń depýtaty Keıdzo Takemımen kezdesýi barysynda kelisilgen edi.

Atalǵan bastamany joǵary baǵalaı otyryp, Ichıro Kavabata Halyqaralyq konferensıany ótkizýge barynsha qoldaý kórsetýge daıyn ekenin habarlady.

          Kezdesý sońynda taraptar ózara múddeli baǵyttar boıynsha eki jaqty yntymaqtastyqty damytýdyń mańyzdylyǵyn atady.