Almatyda tanymal mýzykant Vıktor Soıǵa «Ine» fılminiń sońǵy kadrlary túsirilgen kóshe boıynan eskertkish ornatyldy, dep habarlaıdy Qamshy.kz aqparat agenttigi.
Ánshi tiri bolǵanda búgin 56 jasqa keler edi. Atalmysh orynǵa rok juldyzynyń músinin qoıý ótken jyldyń kúzinde josparlanǵan bolatyn.
"Vıktor Soı áli kúnge deıin Eýrazıadaǵy nómiri birinshi rok ánshi sanalady. Ol ózine ǵana tán shyǵystyq kelbetimen halyqtyń júreginen oryn ala bildi. Shetelde de Soıdy osy beınesi arqyly tanıdy. "Ine" fılminiń sońǵy kadrlary túsirilgen Muqan Tólebaev atyndaǵy kóshede ánshige arnalǵan shaǵyn arhıtektýralyq músin ornatylady",- degen bolatyn kınematografıalyq óner men ǵylymdar ulttyq akademıasynyń prezıdenti Rashıd Nuǵmanov.
Eskertkishtiń ashylý rásimine Almaty qalasynyń ákimi Baýyrjan Baıbek pen óner adamdary, qala turǵyndary qatysty.
Pikir qaldyrý