Qazaqstandyq saıasatker Erlan Qarın Iranda ustalǵan rejıser Qanat Beısekeevtiń jaǵdaıy jaǵdaıy týraly jazdy, dep habarlaıdy Qamshy.kz aqparat agenttigi. 

"Qanat Beısekeevpen bári jaqsy. Ol elge ushyp kele jatyr. Jumys barysynda máseleler bolǵan, qazir bári sheshildi", - dep jazdy Qarın Facebook paraqshasynda.

Osyǵan deıin jelide rejıserdiń Iranda ustalǵany týraly aqparat taraǵan bolatyn.

"Ony Iran polısıasy ustap, barlyq quraldaryn tárkilegen. Men ary qaraı ne bolatynyn bilmeımin. Qanat ózi kelip barlyq jaǵdaıdy túsindirip berýi kerek dep oılaımyn. Biraq mundaı jaǵdaı derekti fılm túsýrshiler úshin qalypty nárse. Birneshe myń dollardyń zaty tárkilengeni bolmasa bári durys. Ol zattardy ıesine qaıtara ma belgisiz. Biraq qaıtarmaýy ábden múmkin. Buǵan deıin Qanat Monǵolıada, Túrkıada fılm túsirdi. Iranda da jaǵdaı jaqsy bolady dep oılaǵan. Ol jaqyn arada Qazaqstanǵa oralady dep oılaımyn", - dep jazdy belgigi PR mamany Álisher Elikbaev. 

Qanat Beısekeev - sheteldegi qazaqtar týraly túsirilgen birneshe sıkldi derekti fılmniń rejıseri.