Almatyda ótken qoǵamdyq keńes otyrysynda syrtqy týrızm salasyn damytý máselesi talqylandy.

Qalalyq Týrızm jáne syrtqy baılanystar basqarmasynyń basshysy Erlan Jaılaýbaıdyń aıtýynsha, sheteldikterdiń Almatyǵa jetýi tym uzaq ýaqytty alady.

Osy olqylyqtyń ornyn toltyrý úshin búginde áýe jelileri qatary kóbeıip kele jatyr. Mysaly Reseı áýe kompanıasy  Almaty-Krasnoıarsk- Irkýtsk baǵytynda áýe reısin ashty. Sibirden keletin týrıserge basqa esh jerge qonaqtaýdyń qajeti joq. Latvıalyq tasymaldaýshy da Rıgadan Almatyǵa tikeleı reıs ashty.

«Azamattyq avıasıa komıteti basshylyǵymen osy baǵytta ózara túsinistik ornady. Fınlándıadaǵy Helsınkı qalasyna baryp, FinAir kompanıasymen kelissózder júrgizdik. Soltústik Eýropa men Ortalyq Azıanyń arasyn biriktirý úshin. Alaıda, kelissózden soń olar Astanaǵa reıs ashý týraly sheshimde qaldy. Biz óz tarapymyzdan Almatynyń ekonomıkalyq turǵydan da, týrısik turǵydan da áleýetiniń mol ekenin barynsha jetkizýge tyrystyq. Alaıda, áýe kompanıasy Almatyǵa reıs ashatyn bolsa, olar munda bólek ekıpaj ustaýǵa tıis bolady. Bul kóp shyǵyndy talap etedi»,- dedi basqarma basshysy Erlan Jaılaýbaı.   

Vızalyq rejimge kelsek, QR SİM jyl sońyna deıin 23 vızalyq elge elektrondy vıza engizýdi josparlap otyr.

Bul sheteldik týrıserdiń Almatyǵa, Qazaqstanǵa kelýine jol ashady.

«Týrızm salasyndaǵy jetistikterimizge kóńilimiz tolady, árıne. Biraq, bul biz qozǵalatyn qarqyn emes. Atqaratyn jumys áli jeterlik», - dedi basqarma basshysy.

Qoǵamdyq keńes músheleri Almatydaǵy týrısik nysandardy aralap shyqqandaryn, alaıda týrısik oryndardan bir de bir sheteldik týrısi kezdestirmegenderin aıtty.

Basqarma basshysy Erlan Jaılaýbaı jyl saıyn Almatyǵa keletin sheteldik týrıserdiń sany 14%-ǵa artyp otyrǵanyn jetkizdi.

«Memlekettik qyzmet usynǵan ótken jyldyń qorytyndysyna sáıkes byltyr Almatyǵa 500 myńnan asa adam kelgen. Al, ornalasý oryndarynan kelgen aqparatqa sáıkes 350 myń adam qonaq úı qyzmetin paıdalanǵanyn bilemiz», - dedi E.Jaılaýbaı.

Búginde almatylyq týrızm salasynyń ókilderi Azıa men Eýropadaǵy týrısik kórmelerge qatysyp júr. Byltyr Almaty týraly aqparat «BBC» men «Euronews» arnalarynda jarıalanǵan.

Visit Almaty ortalyǵy Qazaqstannyń ár óńirinen týrıs tartýda belsendi eńbek etip jatyr.

Otyrysta Visit Almaty ortalyǵyn tolyqtyrý týraly birqatar másele talqylandy.

Visit Almaty dırektory Kamıla Lýkpanova saıtty qaıta jasaý úshin mamandar jaldanǵanyn aıtty.