Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti Jýrnalıser kúnine oraı «Memlekettik til jáne BAQ» atty respýblıkalyq baıqaýynyń jeńimpazdaryn saltanatty marapattaý rásimin ótkizdi, dep habarlaıdy Qamshy.kz aqparat agenttigi.
Qamshy.kz aqparat agenttiginiń jýrnalısi Erkeǵalı Bolatuly «Úzdik saıt maqalasy» (saıt materıaldary boıynsha) nomınasıasy boıynsha İİ oryndy ıelendi.
Atalmysh nomınasıa boıynsha İ oryndy Arystanbaev Madıar, İİİ oryndy Qymbat Eltaıqyzy ıelendi. Jarylqap Beısenbaıuly Gran Prı jeńimpazy atandy. Bas júldeniń syıaqysy - 1 000 000 teńge.
İs-shara Qazaqstan Respýblıkasy Mádenıet jáne sport mınıstri Arystan Muhamedıulynyń quttyqtaý sózimen ashyldy.
Respýblıkalyq konkýrsqa úmitker jýrnalıserden 200-ge jýyq materıal kelip tústi. Erejege sáıkes el aýmaǵyndaǵy BAQ-ta jarıalanǵan jýrnalısik eńbekterdiń mazmuny memlekettik tildiń qyzmet etý aıasyn keńeıtý, mártebesin nyǵaıtý jáne qazirgi memlekettik tildiń ahýaldy taldaý jáne oǵan monıtorıń júrgizýge baǵyttalǵan.
Saltanatty sharada «Úzdik maqala» (baspasóz boıynsha) nomınasıasy boıynsha İİİ oryndy Ázimhan Ybyraıuly, İİ oryn Qasym Azamat Ábilulyna, İ oryndy Safın Nurlybek ıelendi.
«Úzdik telebaǵdarlama» (telearna baǵdarlamalary boıynsha) nomınasıasy boıynsha İİİ oryn Gúlbaqsha Aqajanovaǵa, İİ oryn Nartaı Aralbaıulyna, İ oryn Serik Jumabekke buıyrdy.
«Úzdik radıo baǵdarlamasy» (radıo baǵdarlamalary boıynsha) nomınasıasy boıynsha İİİ oryndy Talant Arǵynǵalı, İİ oryndy Amanjýlova Asemgýl, İ oryndy Erbol Alshynbaı jeńip aldy.
