Ulttyq qundylyqtarymyz – bizdiń basty baılyǵymyz! Elbasynyń jarlyǵymen, ulttyq aspabymyzdyń biri – dombyrany keńinen nasıhattaý maqsatynda a.j. shilde aıynyń alǵashqy jeksenbisinde «Ulttyq dombyra kúni» bolyp bekitildi. Elimizde alǵash ret toılanaıyn dep otyrǵan Ulttyq dombyra kúnine arnalǵan saltanatty sharalar ótedi dep kútilýde. Mereke qarsańynda ótkizilgeli otyrǵan sharalardyń basty maqsaty – qazaq halqynyń óte erte jáne keń taraǵan dombyrany keńinen dáripteý, ony halyq arasynda barynsha qoldanysqa engizý bolyp tabylady.

1 shilde kúni ótkiziletin mereke qundylyqtarymyzdy nasıhattap, qazaqtyń ulttyq aspaby – dombyrany dáripteý men mádenı ulttyq birlikti nyǵaıtýdy maqsat tutty. Bul kún mádenıet qyzmetkerleri men qońyr úndi dombyranyń únin súıetin adamdardy biriktiretin aıtýly mereke bolmaq. Osy oraıda «Memlekettik qýyrshaq teatry» KMQK ujymy da atalmysh merekege óz úlesin qosý maqsatynda qala ishinde ótkizilip otyrǵan is-sharaǵa belsendi qatysatynyn jetkizedi. Aıtýly shara aıasynda kúı sherýine teatr artıseri, óner janashyrlary jáne tanymal qoǵam qaıratkerleri jáne t.b. 3 myń ónerpazdyń oryndaýynda Qurmanǵazy, Súıinbaı, Dınanyń ataqty kúılerin, dalanyń qońyr sazyn, naǵyz qazaqtyń únin tyńdaı alasyzdar. Ónerpazdar Qurmanǵazy atyndaǵy Qazaq ulttyq konservatorıasynda, Panfılov kóshesindegi demalys oryndarynda jáne t.b. ortalyqtarda kópshilikke arnalyp qazaqtyń qara dombyrasynan kúı tókpek.

Ónersúıer qaýymdy «Ulttyq dombyra kúnin» bizben birge atap ótýge shaqyramyz!