Mınıstrlikterdiń ishinde Astanaǵa alǵashqylardyń biri bolyp kóshken Aýyl sharýashylyǵy mınıstrligi ardagerlerdi marapattady. Bul jaıynda Qamshy.kz aqparat agenttigi QR Aýylsharýashylyǵy mınıstrliginiń baspasóz qyzmetine silteme jasap habarlaıdy.

Elordanyń 20 jyldyǵyn merekeleý aıasynda Qazaqstan Respýblıkasy Aýyl sharýashylyǵy mınıstrliginde saltanatty is-shara ótti, onda salanyń ardagerleri men eńbek sińirgen qaıratkerleri «Astana 20 jyl» mereıtoılyq medalimen marapattaldy.

Aýyl sharýashylyǵy mınıstrligi Aqmola oblysyna 1996 jyly 24 jeltoqsanda memlekettik organdar arasynda alǵashqylardyń biri bolyp kóshirildi, sol jyldary Mınıstrlikti S.Sh. Ahımbekov basqaryp kóshý jumystaryn uıymdastyrǵan bolatyn.

Osyǵan oraı, 60 QR ASHM qyzmetkerleri men ardagerleri mereıtoılyq medalmen marapattaldy.