Almatyda Kokjailau Challenge Hakatonynyń fınaldyq kezeńinde «Smart Kokjailau» ekologıalyq jobasy jeńimpaz bolyp tanyldy dep habarlaıdy Qamshy.kz aqparat agenttigi digitalkz.kz saıtyna silteme jasap.
Hakatonnyń jeńimpazy «Smart Kokjailau» ekologıalyq jobasynyń avtory Geek Partners kompanıasynyń qoldaýymen Sıngapýrdaǵy týrızm salasyndaǵy ınovasıanyń qyr-syrymen tanysyp, tájirıbe jınaýǵa jiberiledi. Al ekinshi jáne úshinshi oryn ıegerleri SAGE qaýipsizdik jobasy jáne Journey (vırtýaldy shyndyq boıynsha nusqaýlyq) jobalary aqshalaı syıaqymen marapattaldy delingen atalǵan saıtta. 17 shildede ótken taý kýrortynyń ekologıasyn jáne týrısik áleýetin jaqsartý úshin sıfrly quraldaryn usynǵan Hakatonnyń aqtyq máresinde startaperlerdiń úzdik jobasyn anyqtaýǵa qurylǵan qazylar alqasy quramynda Almaty Travel Lab jáne VisitAlmaty ortalyqtarynyń basshylary boldy. «Kreatıvti tehnologıalardyń, smart sheshimderdiń shyǵarmashylyq ortasynda ómir súrip jatqan jas kásipkerlerdi, jas ǵalymdardy, startaperlerdi osyndaı jobalardy jasaýǵa tartý búgingi kúni aýqymdy ınfraqurylymdyq jobalarmen jumys isteý úshin óte mańyzdy», – dedi Almaty Travel Lab ortalyǵynyń basshysy Rashıd Dúsembaev.
Hakatondaǵy basty taqyryp - ekologıa. Máseleni sheshý úshin startaperler men joba ázirleýshilerdiń onlaın-rejımde taý-shańǵy kýrortynda aýanyń sapasyn jáne qorshaǵan ortany qadaǵalaý, resýrstardyń tıimdi paıdalanylýyna múmkindik beretin smart-qyzmetter oılap tabý kózdeldi.
Sondaı-aq, bul marafonda kózdelgen maqsattardyń biri kýrorttyń marshrýttary, ekologıasy, florasy men faýnasy týraly kelýshilerdiń biliktiligin arttyrýǵa baǵyttalǵan joba daıyndaý boldy.
Aıta ketelik, sıfrlyq quraldar arqyly týrısik áleýetti damytýǵa baǵyttalǵan, bundaı Hakaton osymen 5 márte ótkizilýde.
Bul joba VisitAlmaty resmı týrısik aqparattyq ortalyǵynyń, «Arman Aımaǵy» qoǵamdyq qorynyń jáne qalanyń týrızm jáne syrtqy qatynastar basqarmasynyń qoldaýymen júzege asyrylady.
Hakaton – aǵylshynnyń hack jáne marathon sózderiniń qosylyp dybystalýynan týyndaǵan ıntellektýaldy marafonnyń bir túri, basty ereksheligi qatysýshylardyń komandalary 24 saǵat ishinde oılap tapqan ıdeıadan prototıpke kóshýi. Sońǵy jyldary Hakatondy tek baǵdarlamashylarǵa ǵana emes, basqa da salalarda atap aıtatyn bolsaq dızaınerlerge, marketologtarǵa jáne basqa profıldi mamandardyń arasynda jıi uıymdastyrylyp keledi.
