Hasan Roýhanı óz memleketiniń ustamdy el ekenin ári «eshkimmen shaıqaspaıtyn, jaýlap almaıtyn el» ekenin málimdegen, dep jazady Qamshy.kz aqparat agenttigi «govorıt Moskva» basylymyna siltep.

«Tramp myrza, biz meıirban halyqpyz. Yzalandyrmańyz, otpen oınamańyz. Siz buǵan ókinetin bolasyz. Amerıka Iranmen beıbitshilik — bárimen beıbitshilik, Iranmen soǵys — barlyǵymen soǵysý» degen sóz ekenin bilýi kerek», - dep málimdegen Roýhanı ırandyq dıplomattarmen Tegerandaǵy kezdesýinde.

Aıta ketsek, mamyr aıynyń basynda Tramp AQSH-tyń ıadrolyq kelisimdi úzetinin, Iranǵa burynǵy sanksıalardy qaıtaryp qana qoımaı jańa sanksıalar salatynyn málimdegen. Oǵan qosa Iranmen munaı saýdasyn jasaıtyn elderge de qaýip tónetinin eskertken.

Osy jaǵdaıdan keıin Rýhanı «Biz qorǵanys qarýlarymyzben baılanysty eshkimmen kelisimge otyrmaımyz. Qajetinshe zymyran men qarý óndirip qoımalarymyzda jınaımyz» degen bolatyn.

AQSH-tyń Iranmen baılanysty 40 jyldan beri qate sheshimder qabyldaǵanyn, ıadrolyq kelisimnen bas tartýynyń óte úlken qatelik bolatynyn alǵa tartqan Rýhanı «AQSH ıadrolyq kelisimnen bas tartqan jaǵdaıda ókinetin bolady» dep edi sol kezde de Roýhanı.

Iadrolyq derjava AQSH Irandy ıadrolyq qarý óndiredi dep aıyptap keledi. Ahmadınejadtyń prezıdenttigi tusynda AQSH Iranǵa aıaýsyz sanksıa salǵan. Al, Iran ıadrolyq energıany beıbit maqsatta paıdalanatynyn tabandap aıtyp keledi, áli pozısıasyn ózgertken joq.

Arada 2015 jyly shildede Iran men alty memleket - AQSH, Germanıa, Qytaı, Ulybrıtanıa, Reseı jáne Fransıa arasynda kelisimge qol qoıylyp, Iranmen Batys elderiniń arasy sál jumsarǵan. Izraıl qoldamaǵan kelisim týraly 2016 jyly Tramp prezıdent saılaýy aldynda  «apat» dep baǵalap, «bul kelisim Iranǵa ıadrolyq qarýlaryn saqtaýǵa múmkindik beredi» degen.