Astanaǵa Táýelsiz Memleketter Dostastyǵynyń arýy ataǵy úshin básekelesýge 10 elden 18 jastan 27 jas aralyǵyndaǵy 19 qatysýshy jınaldy, dep habarlaıdy Qamshy.kz
Baıqaý ótkizilip kele jatqan ýaqyt ishinde (22 jylda) alǵash ret Astanada uıymdastyrylyp otyr jáne ol elordanyń 20 jyldyǵyna oraılastyryldy.
Baıqaýdyń maqsaty - qatysýshy elder arasynda týrızm men mádenıetti damytý.
Konkýrsta óz elin tanystyryp, qurmet kórsetý úshin qatysýshylar birneshe kezeńnen turatyn keshendi irikteýden ótti.
Qatysýshylar aqtyq saıysqa birneshe kún qalǵan kezde Astanada jınalyp otyr.Osy ýaqyt aralyǵynda olar qazaq halqynyń salt-dástúrleri men ádet-ǵuryptarymen tanysady, sondaı-aq Astananyń kórikti jerlerin aralap, mereıtoılyq merekeler men qaıyrymdylyq sharalarǵa qatysady.
Naqtyraq aıtqanda, baıqaýǵa qatysýshylar «Nurly júrek» psıhonevroloıalyq dıspanserde, Býrabaı kýrorttyq aımaǵynda bolyp úlgerdi. Aldaǵy kúnderi «Astana-Arena» stadıonyndaǵy joldastyq machqa, Armenıa elshilignde uıymdastyryldatyn qabyldaý keshke qatysady. Esterińizge sala keteıik, 2017 jyly «TMD arýy» baıqaýy Armenıa astanasy Erevanda ótti. Al 27 shilde saǵat 19.00-de «Kazmedıa ortalyǵy» kınokonsert zalynyń sahnasynda baıqaýdyń aqtyq máresi ótedi.
Baıqaýǵa qatysýshylar óz ulttyq kıimderin, sondaı-aq keshki kóılekterin bar sán-saltanatymen kıip shyǵady. Eksklúzıvti shoý baǵdarlamaǵa sonymen qatar álemdik sahna juldyzy, daryndy sýretshiler men kórnekti dızaınerler qatysady.
Baıqaýǵa qatysýshylar úshin ótkizilip otyrǵan shara - álemge áıgili modeldik agenttiktermen, óndiristik ortalyqtar men rejıserlermen yntymaqtastyq ornatý úshin úlken múmkindik.
«Mıss TMD» baıqaýy 1996 jyldan bastap jyl saıyn ótkizilip keledi. «TMD arýy-2018» baıqaýy «TMD arýy» Halyqaralyq baıqaýynyń bas dırektory jáne negizin qalaýshysy Naırı Mnasakanán men «Velada halyqaralyq model agenttiginiń tikeleı qoldaýymen ótkizilip otyr.
