21 shilde kúni oblys ákimi Berdibek Saparbaev Ábilqaıyr han dańǵyly boıyndaǵy jaıaý júrginshiler qurylysynyń jobasymen tanysty, dep jazady Qamshy.kz aqparat agenttigi.

       Atap óteıik, aımaq basshysynyń tapsyrmasy boıynsha «Qala adamdar úshin» tujyrymdamasyn ázirleý úshin jumys toby quryldy, onyń baǵyttarynyń biri «Qorshaýy joq qala». Jobanyń birinshi kezeńinde jaıaý júrginshiler aımaǵyn Á.Moldaǵulova dańǵylynan Ábilqaıyr han dańǵyly boıymen oblys ákimdiginen ári qaraı Abaı býlvaryna jalǵastyrý josparlanyp otyr.

Atap aıtqanda, jobada kósheni jóndeý jáne abattandyrý, oryndyqtar ornatý, jasyl keńistik, avtorlyq shaǵyn sáýlet nysandary, qurǵaq fontandar, jaryq shamdar ornatý, oıyn jáne sport alańdaryn salýdy qamtıdy.

- Bolashaqta jaqsy jabdyqtalǵan jaıaý júrginshiler aımaǵy qala turǵyndary men qonaqtaryna demalý úshin yńǵaıly oryn bolady, - dedi Berdibek Saparbaev.

Sondaı-aq qala ákimi İlıas Ispanov jobanyń áleýmettik mańyzdylyǵy týraly josparlanǵan júrginshiler aımaǵynyń aýmaǵyndaǵy ǵımarattar ıelerimen nasıhattaý jumystary júrgizilgendigi týraly baıandady. 

Atap ótý kerek, joba Astana jáne Almaty qalalarynyń  tájirıbesin eskere otyryp, osyndaı jaıaý júrginshiler aımaqtaryn qurý azamattardyń oń qoldaýlarynyń nátıjesinde júzege asyrylatyn bolady.