Almaty qalasy sáýlet jáne qala qurylysy basqarmasynda «Saıran» avtovokzalynyń qaıta jóndeýden keıingi kórinisi málim boldy.

Avtovokzal aýmaǵynda kólik logıstıkasy salynyp, vokzal mańyn men jaıaý júrginshi aýmaǵy keńeıtiledi. Joba boıynsha sýburqaqtar, avtoturaqtar, jasyl aımaq pen balalar alańyn salý qarastyrylǵan.

Sondaı-aq vokzal alańyndaǵy zańsyz qurylystardy joıý josparlanǵan.

«Janarmaı quıý stansasy men kólik jýatyn oryndy buzý týraly kelisim jasaldy. Basty mindet - avtovokzal ǵımaratyn bastapqy qalpyna keltirý»,- dep málim etti basqarmada.

Avtovokzalda túbegeıli ózgerister bolmaıtyndyqtan, ǵımarattyń syrtyn ózgertý ázirge josparda joq.

1983 jyly salynǵan, 60 myń sharshy metrde ornalasqan avtovokzaldyń 7 myń sharshy metr aýmaǵy jóndeýden ótpek. Vokzaldyń aldyńǵy jaǵyn aǵashtar tasalap qalmasy úshin, ol jerge tal egilmeıdi.

Aıta ketsek, maýsym aıynda «Saıran» avtovokzaly ǵımaratynyń Almaty qalasynyń tarıhı mádenıe murasyna kiretindigi aıtylǵan edi.