Almatyda alǵash ret FOYA jas sýretshiler festıvali ashyldy. Uıymdastyrýshylardyń aıtýynsha, kórermender gadjettiń kómegimen «jandy» kartınamen janasa alady. 

«Biz «Óner up» degen mobıldi qosymsha jasap shyǵardyq. Munyń kómegimen art-obektiler men kartınalar qozǵalady. Qazaqstanda buǵan uqsas kórmeler buryn bolmaǵan. Daıyndyqqa jarty jylǵa jýyq ýaqyt ketti. Tehnıkalyq máseleler týyndady. Shyǵarmalardy tehnologıa kómegimen shynaıy keıipke endirý bizdiń tájirıbede birinshi ret qoldanylyp otyr»,-dedi Jas sýretshiler ortalyǵynyń jetekshisi Krıstına Bekmurzaeva.

Krıstınanyń aıtýynsha, «Óner up» qosymshasy tolyǵymen Qazaqstanda daıyndalǵan. Festıvál kórermenderi  android formatyndaǵy qosymshany QR- kod arqyly  júktep ala alady. Art-obektini nemese kartınany smartfon ekranynan kórgen kezde olardyń keıbir elementteri qozǵalady. Astananyń 20 jyldyǵyna arnalǵan jobany júzege asyrýǵa 50-ge jýyq adam atsalysqan.

Budan bólek, qala turǵyndar úshin qoljetimdi «Óner Place» galereıasy ashylady. Mádenı keńistikte jas sýretshiler óz eńbekterin tegin kórsetilimge shyǵara alady.

Sondaı-aq, bul mańda óner jáne ǵylym týraly aqysyz leksıalar júretin bolady. Festıvál Ulttyq kitaphanada ótýde.