Almatyda Astananyń 20 jyldyǵyna arnalǵan erkin kúresten jastar arasyndaǵy ulttyq quramalardyń kezdesýi ótti. Dúbirli dodada baqtaryn synaý úshin 6 memlekettiń, atap aıtqanda, Reseı, Ýkraına, Ózbekstan, AQSH jáne Qazaqstannyń saıypqyrandary kók kilemde kim myqtyny kórsetti. 

Olar 10 túrli salmaq dárejesi boıynsha beldesken. Uıymdastyrýshylar ulttyq quramanyń baby da baǵy da ozyp turǵanyn aıtyp, mundaı sharany dástúrge aınaldyrmaq nıette. Onyń ústine bizdiń jastar úshin bul úlken tájirıbe ekendigin jáne olımpıada oıyndaryna qatysýǵa degen yntalaryn shyńdaı túsedi deıdi uıymdastyrýshylar.  

«Sportshylarymyzdyń shetelge shyǵýlaryna múmkindigi bola bermeıdi. Sol sebepti ózge memleketterdiń balýandaryn arnaıy shaqyrttyq. Jastarymyzdyń kózderi janyp, jeńýge degen talpynystaryn kórip otyrmyz. Múmkindik bolsa, muny jyl saıyn ótkizip, dástúrge aınaldyrsaq degen josparymyz bar. Bul bizdiń sportshylarymyz úshin úlken tájirıbe bolary sózsiz», – deıdi Qazaqstan erkin kúres akademıasynyń jetekshisi Hadjımýrat Gasalov.