Almatyda iri qurylys saýda kesheni ashyldy. Jańa ǵımarattyń jalpy aýmaǵy 80 myń sharshy metr. Onyń basym bóligin saýda oryndary quraıdy. Sondaı-aq, keńseler de bar. İshinde IT kompanıalarynyń klasteri de oryn tepken. «Jibek joly» kesheniniń ashylý saltanatyna Almaty qalasy ákiminiń orynbasary Almas Mádıev qatysty. Ol saýda – qala ekonomıkasynyń draıveri ekenin atap ótti. Búginde búdjettiń úshten bir bóligin qurap otyr. Alyp shaharda 42 myńnan astam kásiporyn jumys isteıdi. Olardyń kóbi osyndaı saýda ortalyqtarynda ornalasqan.
«Biz qala qonaqtary men turǵyndary sapaly qyzmet pen qoljetimdi baǵada taýar alýy úshin bar jaǵdaı jasaýymyz kerek. Bul jumys aldaǵy ýaqytta da jalǵasyn tabady. İri bazarlarda jańǵyrtý jumystaryn júrgizip otyrmyz», – deıdi Almaty qalasy ákiminiń orynbasary Almas MÁDIEV.
