Búgin el júregi, Qazaqstannyń qýaty atanǵan bas qala – Astananyń týǵan kúnin búkil respýblıka toılap jatyr. Al osy sátte Almatydaǵy «Astana» alańynda ulan-asyr toı jalǵasýda.

Merekelik dýmandy konserttiń bastalýyna áli bir saǵat bar. Degenmen, táýelsizdigimizdiń altyn besigi Astanany shyn jaqsy kóretin almatylyqtar belgilengen ýaqytynan buryn jınalyp jatyr. Óıtkeni, sáýleti men dáýleti kelisken baǵanaly bas ordamyz bıyl 20 jasqa toldy. Jalpy, ózderińiz bilesizder, Almaty jylda bul meıramdy erekshe atap ótedi. Mereıi ústem bas qalaǵa barlyq án de, bı de, ystyq lebiz de arnalady. Óıtkeni, Astananyń kórki kópti shabyttandyrady. Búgin «Astana» alańynda aty elge tanymal otandyq juldyzdar óner kórsetedi. Olardyń qatarynda jas ta, jasamys ta súıip tyńdaıtyn Erbolat Qudaıbergenov, Kental, Dıana Sharapova syndy ánshiler bar. Sondaı-aq, keshki saǵat 20:00-de bastalatyn sharada 60-tan astam bıshi teatrlandyrylǵan «Nur Astana» qoıylymyn qoıady. Basynan baǵy taımaǵan Astanaǵa sheteldikter tamsanady, al turǵylyqty halqy eshqaıda kóshpesteı bolǵan. Al elimizdiń basqa qalalary elimizdiń tiregin erekshe maqtan tutady.

Astananyń týǵan kúnin toılaý bir kúnmen shektelmeıdi. Taǵy aıta keteıin, Jibek joly jáne Panfılov kóshelerinde merekelik demalys kúnderi «Alataý» dástúrli óner teatrynyń qoıylymdary , «quraq kórpe» tigýden sheberlik synyptary, jastardyń Art party, Astananyń 20 jyldyǵyna  arnalǵan spektáklder men jastar konsertteri bolady. Odan bolek, 8-shilde kúni mereıtoılyq velojarys pen «Shymbulaq-Nursultan shyńy» Alpınıadasy uıymdastyrylady. Al, búgingi merekelik shara saǵat 22:00-de ádettegideı otshashýmen aıaqtalady. Qyzyqtyń bárin ózińiz "Astana" alańyna kelip kórýge múmkindikterińiz bar.