Sońǵy eki jylda Almaty aýrýhanalaryn qarjylandyrý 60 paıyzǵa artqan. Nómiri 4-shi klınıkalyq aýrýhananyń  jumysymen tanysqan qala ákimi Baýyrjan Baıbek osyny málimdedi. Qala ákimi em izdep kelgen turǵyndarmen de tildesip, aq halattylarǵa dıagnozdy barynsha ýaqtyly ári dál anyqtaýdy tapsyrdy. İs-sapardan soń saltanatty sharaǵa qatysqan qala jetekshisi Elbasynyń jarlyǵymen  bilikti dárigerlerge tósbelgiler tabystady.    

Kóp salaly medısınalyq qyzmet kórsetin №4 klınıkalyq  aýrýhana shuǵyl ota jasaý jaǵynan jurtqa tanymal. Halyqqa qaýyrt qyzmet kórsetýden bosamaıtyn qabyldaý bóliminde Emergency room, ıaǵnı Shuǵyl qyzmet bólmesi ashyldy. Jańa joba qabyldaý bólimine túsken barlyq naýqastardy bilikti dárigerlerdiń bir sátte kórip, qaraýyna múmkindik beredi.

Aýrýhana «kópsalaly saraptama» ádisi, «naýqastardy brıgadalyq basqarý»,  «bir tereze» erejeleri syndy jańasha ustanymdar arqyly jumys isteıdi. Ortalyqtandyrylǵan ottegi jetkizilimimen 3 tósekke arnalǵan jansaqtaý kamerasy mobıldi jabdyqpen jabdyqtalǵan.

Ózgeniń ómirine arashashy, qınalǵannyń qasynan tabylatyn janashyr jannyń biri  Toǵjan Saǵynyshqyzy. Qol astyndaǵy úsh júzdeı maman jumys isteıtin nómiri 2-shi  qalalyq emhananyń basshysyna aýdandaǵy 65 myńnan astam adamǵa turaqty qyzmet kórsetý mindettelgen. Bilikti dárigerge qala ákimi Elbasynyń jarlyǵymen  shyqqan «Astananyń 20 jyldyǵy» tósbelgisin tabystady.  

«Astananyń 20 jyldyq medalimen marapattalyp jatyrmyn. Ol men úshin úlken dáreje, syı. Minekı elimiz kórkeıip jatyr. Bizder dárigerler sol tek halyqqa eńbek etip, sol halyqtyń tek qana densaýlyǵy jaqsy bolsa eken deımiz. Bizdiń halqymyzdyń sana sezimi óte joǵary. Osydan endi 15 jyl buryn asqynǵan túrinde kelip jatsa, al endi qazirgi jaǵdaıda halyq ózi keledi», – dedi Almaty qalasy №2 qalalyq emhananyń bas dárigeri Toǵjan Esbergenova.  

Almaty qalasynda 25 myńnan astam dáriger jumys isteıdi. Medısına mamandaryn memlekettik medaldarmen marapattaǵan qala basshysy dárigerlerge aýyrǵan jannyń dıagnozyn dál tabý mańyzdy ekenin, jany jabyrqańqy jandy jyly sózben qarsy alýdy qaperge saldy.

«Adam bir jańashyldyq ákelem  dese, ózgertem  dese  kópshilik ony keıbir kezde túsinbeıdi. Biraq sizder sıaqty adam qyzmetke kelse, mysaly operasıanyń ózinde jaýapkershilik alý kerek. Múmkindiginshe endi jyly sózben qarsy alyp, adamǵa olda dári ǵoı keıbir jyly sóz. Jumystaryńyz sol sebepten óte qıyn. Ózderińizge densaýlyq tileımin. Tabys tileımin», - dedi Almaty qalasynyń ákimi  Baýyrjan Baıbek.  

Almaty ǵylym ordasy bolǵandyqtan, eldiń ár óńirinen emdelýge kelgen halyq qashanda kóp. Tek sońǵy ýaqytta eki myńnan astam sheteldik shıpa izdep kelgen. Medısınalyq múmkindikti jaqsartý maqsatynda tek qala búdjetinen taǵy 95 mıllıard teńge bólinbek.