Almaty mýzeıinde «Rýhanı jańǵyrý» zaly ashyldy. Onda atalmysh baǵdarlamaǵa engen jobalarmen tanysýǵa bolady. Máselen, «Qazaqstannyń kıeli jerleriniń geografıasy» jobasy boıynsha Almaty aýmaǵynda ornalasqan 6 nysan kórsetilgen. «Táýelsizdik tańy» monýmenti, «Boraldaı saq qorǵandary» arheologıalyq parki, Raıymbek batyr kesenesi men Ahmet Baıtursynulynyń mýzeı úıiniń sýretteri ilinip, tarıhy týraly maǵlumat ilingen. Sondaı-aq atalmysh zalda «100 jańa esim» jobasyna engen 20 jerlesimizdiń jetistigi pash etilgen. Mýzeıge kelýshiler olardyń ıgilikti isterin bilip, óskeleń urpaqqa úlgi eteri sózsiz. Al zaldyń bir bóligi qazaq álipbıin latyn qarpine kóshirý jolynda jasalǵan jumystarǵa arnalǵan. Bolashaqta munda qazaq tilinde basylap shyǵatyn 100 oqýlyqtyń alǵashqy nusqalary oryn tappaq.

«Rýhanı jańǵyrý baǵdarlamasy bul bir kúnde, ıa bir jylda bitetin nárse emes. Bul degen úlken, ulttyq halqymyzdyń jańǵyrý baǵdarlamasy. Bul degen óte uzaq ýaqytqa sozylady. Bul ekspozısıamyz da sol baǵdarlama boıynsha kórsetilgen jobalardyń damýyna baılanysty tolyqtyrylyp turady»,- dedi Almaty qalasy mýzeıler birlestigi dırektorynyń damý jónindegi orynbasary Qaırat Tarbaev.

Budan bólek, «Rýhanı jańǵyrý» zalynda jergilikti mańyzy bar ǵımarattardyń, tarıhı eskertkishter men mýzeılerdiń tarıhymen tereńinen tanysýǵa múmkindik bar. Mártebeli tizimde Kóktóbe men Medeý muz aıdyny da kórsetilgen.